Arcana Coelestia – Exodus, caput 09
Arcana Coelestia 6
Passage 7495
#7495 Continuatur in hoc capite de vastatione illorum qui infestant illos qui ab Ecclesia spirituali sunt; in hoc capite in sensu interno agitur de sexto, septimo, et octavo statu seu gradu vastationis illorum, qui describuntur per "pestem," per "ulcus" efflorescens pustulis, et per "pluviam grandinis"; per quae significatur vastatio quoad illa quae sunt Ecclesiae apud illos. SENSUS INTERNUS
Arcana Coelestia 6
Passage 7496
#7496 Vers. 1-7. Et dixit Jehovah ad Moschen, Veni ad Pharaonem, et loquaris ad illum, Ita dixit Jehovah Deus Hebraeorum, Dimitte populum Meum, et serviant Mihi. Quia si renuis tu dimittere, et adhuc tu detines illos, ecce manus Jehovae erit in pecus tuum quod in agro, in equos, in asinos, in camelos, in armentum, et in gregem, pestis gravis valde. Et distinguet Jehovah inter pecus Israelis, et inter pecus Aegyptiorum, et non morietur de omni filiis Israelis quicquam. Et posuit Jehovah tempus statum, dicendo, Cras faciet Jehovah verbum hoc in terra. Et fecit Jehovah verbum hoc a crastino, et moriebatur omne pecus Aegyptiorum, et de pecore filiorum Israelis non moriebatur unum. Et misit Pharao, et ecce non mortuum de pecore Israelis usque ad unum. Et aggravatum cor Pharaonis, et non dimisit populum. "Et dixit Jehovah ad Moschen" significat e novo instructionem: "Veni ad Pharaonem: et loquaris ad illum" significat apparentiam veri a Divino apud illos qui infestant: "Ita dixit Jehovah Deus Hebraeorum" significat mandatum a Domino 1Deo Ecclesiae: "Dimitte populum Meum, et serviant Mihi" significat ut relinquant illos qui ab Ecclesia spirituali, ut colant Dominum: "quia si renuis tu dimittere, et adhuc tu detines illos" significat si adhuc obstinarent se ad infestandum: "ecce manus Jehovae erit in pecus tuum quod in agro" significat vastationem veri et boni fidei 2quae illis ab Ecclesia e qua fuerant: "in equos, in asinos, in camelos" significat intellectualia et scientifica veri quod fidei: "in armentum et in gregem" significat (m)voluntaria(n): "pestis gravis valde" significat consumptionem in communi: "et distinguet Jehovah inter pecus Israelis, et inter pecus Aegyptiorum" significat differentiam inter vera et bona fidei illorum qui ab Ecclesia spirituali, et vera et bona fidei quae ab Ecclesia illis qui infestant: "et non morietur de omni filiis Israelis quicquam" significat quod non consumentur: "et posuit Jehovah tempus statum" significat praefinitionem: "dicendo Cras faciet Jehovah verbum hoc in terra" significat quod hoc illis in perpetuum, quoad illa quae sunt veri et boni fidei Ecclesiae: "et fecit Jehovah verbum hoc a crastino" significat effectum secundum praefinitionem: "et moriebatur omne pecus Aegyptiorum" significat consumptionem veri et boni fidei apud illos qui infestant: "et de pecore filiorum Israelis non moriebatur unum" significat quod nihil fidei consumeretur apud illos qui ab Ecclesia spirituali: "et misit Pharao, et ecce non mortuum de pecore Israelis usque ad unum" significat quod id notum factum sit illis qui infestant: "et aggravatum cor Pharaonis" significat obstinationem: "et non dimisit populum" significat quod non relinquerent illos. @1 cp n. 7499$ @2 quod$
Arcana Coelestia 6
Passage 7497
#7497 "Et dixit Jehovah ad Moschen" significat e novo instructionem, ut prius n. 6879, 6881, 6883, 6891, 7226, 7304, 7380.
Arcana Coelestia 6
Passage 7498
#7498 "Veni ad Pharaonem, et loquaris ad illum": quod significet apparentiam veri a Divino apud illos qui infestant, constat a significatione "venire" seu "intrare ad aliquem" quod sit praesentia 1seu apparentia, de qua sequitur; ex significatione "loqui" quod sit communicatio; ex repraesentatione "Pharaonis" quod sint qui infestant illos qui ab Ecclesia spirituali, in altera vita, de qua n. 7107, 7110, 7126, 7142, 7220, 7228, 7317; et ex repraesentatione "Moschis" qui intraret ad Pharaonem, et loqueretur ad illum", quod sit verum a Divino, de qua n. 6771, 6827, 7014, 7382. Quod "venire" 2et "intrare" sit praesentia 3seu apparentia, est quia 4 in spirituali sensu 5significant illa quae mentis sunt, proinde quae cogitationis, et cum de cogitatione 6praedicatur "venire" seu "intrare ad aliquem," est illum praesentem sibi sistere, nam qui de aliquo cogitat, is illum sibi ponit praesentem; et, quod mirum, 7 in altera vita ille de quo aliquis ex desiderio loquendi cum illo cogitat, etiam sistitur praesens; inde patet quod in his similiter 8sicut homo in mundo cogitat, in altera vita sistatur ad vivum; inde nunc 9sciri potest quod per "venire" seu "intrare ad aliquem" significetur praesentia seu apparentia. @1 et hic$ @2 seu$ @3 et$ @4 i venire et intrare$ @5 significat$ @6 dicitur quod veniat seu intret ad alium, est quod praesens sit, nam qui de aliquo cogitat, is eum sibi praesentem sistit$ @7 i etiam$ @8 ac$ @9 patet$
Arcana Coelestia 6
Passage 7499
#7499 "Ita dixit Jehovah Deus Hebraeorum": quod significet mandatum a Domino, Qui Deus Ecclesiae, constat a significatione "dicere" quod sit mandatum, de qua n. 7036, 7107, 7310; ex significatione "Hebraeorum" quod sint qui ab Ecclesia, ita Ecclesia, de qua n. 5136, 5236, 6675, 6684, 6738; quod Jehovah, ubi 1nominatur in Verbo, sit Dominus, videatur n. 1343, 1736, 2921, 3023, 3035, 5041, 5663, 6280, 6303, 6281, 6905, 6945, 6956. Dominus in Verbo dicitur "Jehovah" quoad Divinum Bonum, est enim Divinum Bonum Ipsum Divinum, et Dominus vocatur "Filius Dei" quoad Divinum Verum; Divinum enim Verum procedit a Divino Bono, ut Filius a Patre, et quoque dicitur nasci; quomodo cum hoc se habet, ulterius dicendum: Dominus 2quando in mundo fuit, Humanum Suum fecit Divinum Verum, (c)et tunc vocavit Divinum Bonum, quod Jehovah, Patrem Suum, 3quoniam, ut dictum est, Divinum Verum procedit ac nascitur a Divino Bono; sed postquam Dominus Se plene glorificavit, quod factum cum ultimum tentationis super cruce sustinuit, tunc quoque Humanum Suum fecit Divinum Bonum, 4hoc est, Jehovam, et ab eo Ipsum Divinum Verum processit ex Divino Humano Ipsius; hoc Divinum Verum est quod vocatur (t)"Spiritus Sanctus," et est sanctum quod a Divino Humano 5 procedit; inde patet quid intelligitur per Domini verba apud Johannem, Nondum erat Spiritus Sanctus, quia Jesus nondum glorificatus erat, vii 39. Quod Divinum Bonum sit quod "Pater" 6nominatur, et Divinum Verum quod "Filius," videatur n. 3704. @1 After Verbo$ @2 After Verum$ @3 quia Divinum Verum ut dictum procedit ac nascitur ex Divino Bono; sed quando Dominus se plene glorificavit, quod fuit cum crucem, quae fuit ultimum tentationis$ @4 seu$ @5 i Domini$ @6 nominetur$
Arcana Coelestia 6
Passage 7500
#7500 "Dimitte populum Meum, et serviant Mihi": quod significet ut relinquant illos qui ab Ecclesia spirituali, ut colant Dominum, constat ex significatione "dimittere" quod sit relinquere, ut saepius prius; ex repraesentatione "filiorum Israelis," qui hic sunt "populus Meus," quod sint qui ab Ecclesia spirituali, de qua n. 4286, 6426, 6637, 6862, 6868, 7035, 7062, 7198, 7201, 7215, 7223; et ex significatione 1"et serviant Mihi" quod sit ut colant Dominum; quod "servire" sit colere, patet, et quod Jehovah, Cui servient, sit Dominus, videatur mox supra n. 7499. @1 ut AI$
Arcana Coelestia 6
Passage 7501
#7501 "Quia si renuis dimittere, et adhuc tu detines illos": quod significet si adhuc obstinarent se ad infestandum, constat ex significatione "renuere" quod sit obstinare; inde "renuere dimittere" est obstinare se ad non relinquendum; et ex significatione "detinere" quod sit adhuc infestare; nam qui infestantur, a spiritibus malis qui infestant detinentur. Cum hoc, quod a spiritibus malis detineantur illi qui infestantur, ita se habet: spiritus mali cum aggrediuntur aliquem, sciunt insinuare se in ejus jucunda quae cupiditatum, et quoque in ejus amoena quae 1 principiorum, ita in illa quae ejus amoris sunt; et quamdiu in tali insinuatione sunt, detinent illum quem infestant, sicut vinctum, non 2 potest exsolvi, utcumque allaborat, nisi ex Divina ope Domini, nam amor et insinuatio in jucundum amoris conjungit; tali arte utuntur mali spiritus et genii in altera vita 3; (m)hoc quoque patet a simili 4 in mundo, qui insinuat se in alterius jucundum quod amoris ejus, is tenet illum vinctum et quoque ducit.(n) @1 i sunt$ @2 i enim$ @3 i, qua vinctos tenent, quos infestant$ @4 i quod fit$
Arcana Coelestia 6
Passage 7502
#7502 "Ecce manus Jehovae erit in pecus tuum quod in agro": quod significet vastationem veri et boni fidei quae illis ab Ecclesia 1in qua 2fuerant, constat ex significatione "esse manus Jehovae in aliquem" quod sit plaga seu punitio, per "manum" enim significatur potentia, n. 4931-4937, 6292, 6947, 7188, 7189, et per "manum Jehovae" omnipotentia, n. 878, 3387; et quia ab illis qui in externis Ecclesiae sunt ex apparentia creditur quod omnis plaga seu punitio 3veniat a Jehovah, tribuunt enim Ipsius potentiae omnia, idcirco per "esse manum Jehovae in aliquem" 4significatur punitio, hic vastatio, nam gradus vastationis illorum qui infestabant erant punitiones; ex significatione "pecoris" quod sint vera et bona fidei, de qua n. 6016, 6045, 6049; et ex significatione "agri" quod sit Ecclesia, de qua n. 2971, 3310 5; quod "ager" sit Ecclesia, est quia "semina" quae mittuntur in agrum significant vera quae fidei, et quoque quia "proventus qui ex agro," sicut triticum, hordeum, zea, et plura, sunt bona quae charitatis et vera quae fidei, ita talia quae sunt Ecclesiae. 2 Quomodo 6se habet cum eo quod infernales spiritus qui infestant probos in altera vita vastentur quoad vera fidei quae Ecclesiae, sciendum quod illi qui infestant probos in altera vita sint qui cum in mundo vixerunt, ab Ecclesia fuerunt; nam qui non ab Ecclesia fuerunt non infestare possunt alios qui ab Ecclesia, sunt enim falsa, quae contra vera fidei Ecclesiae, per quae infestant; per talia non possunt illi qui extra Ecclesiam 7fuerunt aliquos infestare quia non noverant illa; quod qui fidem professi et vixerunt vitam mali in altera vita vertant se ad falsa et infestent probos, videatur n. 7097, 7127, 7317; ne itaque verum fidei, quod habuerunt ex doctrina Ecclesiae suae, cum vixerunt in mundo (secum enim ferunt omnia quae noverant in vita corporis, in alteram vitam, nec quicquam deest,) det illis aliquid lucis e caelo, et ne applicent illa quae lucis caeli sunt ad patrocinandum falsis et malis quae sunt inferni," idcirco illis omne tale adimitur et relinquuntur tandem malis vitae suae et inde falsis; de hac vastatione nunc agitur. 3 Quod illi qui ab Ecclesia fuerunt, et vixerant vitam mali, ita per gradus devastentur antequam dejiciuntur in infernum, est quia vera fidei noverant et per illa communicationem habuerunt cum caelo; societates caelestes cum quibus communicationem habuerunt, et quoque in altera vita habent, ab illis separari non possunt nisi per gradus; talis enim 8ordo est in caelo a Domino ut nihil fiat violenter, 9sed omnia in libero sicut ex se, ideo societates illae caelestes ab illis non dirimuntur; sed successive separantur, sic ut videantur sua sponte discedere; ex his nunc patet quomodo se habet cum vastatione apud illos qui noverunt vera fidei quae Ecclesiae et 10tamen vitam mali egerunt. 4 Quod ita se res habeat, nemo scire potest nisi ex revelatione; nam cognitionem rerum quae existunt in altera vita homo nullam habet nisi ex revelatione; et quia homo parum sollicitus est explorare vera et bona quae fidei ex Verbo, in nulla enim affectione veri 11est propter verum, minus propter vitam, idcirco talia nec illi revelantur; exstant tamen in Verbo, et (x)quoad omnem seriem et processum in sensu ejus interno; 12quia itaque homo Ecclesiae in nulla affectione sciendi verum ex Verbo est, sed solum in affectione confirmandi doctrinalia Ecclesiae suae, sive vera sint sive falsa, 13 ob causas in mundo, idcirco nihil quicquam scit de 14statu post mortem, nihil de caelo, et nihil de inferno; ne quidem scit quid facit caelum, et quid facit infernum, apud hominem; immo in tali inscitia sunt ut doceant et credant unumquemque admitti posse in caelum, quidam ex potestate quam sibi arrogarunt, quidam (d)quod ex misericordia Domini utcumque vixerat; et vix aliqui sciunt quod homini detur caelum cum vivit in mundo, per vitam charitatis et fidei, et quod illa vita permaneat. Haec dicta sunt ut sciatur qualis homo Ecclesiae est qui solam fidem profitetur et vitam fidei non curat; nam hi sunt qui per "Aegyptios" hic et in sequentibus repraesentantur. @1 e altered to in cp n. 7496$ @2 fuerunt I$ @3 veniret$ @4 est I$ @5 i, 3766$ @6 cum hoc se habet$ @7 sunt$ @8 est ordo a Domino in coelo$ @9 ita quod non dirimantur societates illae, sed successive discedant, ut videantur ex se et in libero$ @10 vixerunt vitam malam$ @11 After vitam$ @12 et quia$ @13 i ex sensu literae Verbi,$ @14 inferno, nec quicquam de coelo; ne quidem quod facit infernum et quod facit coelum apud hominem$
Arcana Coelestia 6
Passage 7503
#7503 "In equos, in asinos, in camelos": quod significet intellectualia et scientifica veri quod fidei, constat ex significatione "equorum" quod sint intellectualia, de qua n. 2761, 2762, 3217, 5321, 6525, 6534; ex significatione "asinorum" quod sint quae intellectuali inserviunt, ita quoque scientifica, de qua n. 5492, 7024; et ex significatione "camelorum" quod sint scientifica in communi, de qua n. 3048, 3071, 3143, 3145; haec tria animalia significant illa quae sunt partis intellectualis, reliqua, quae ad armentum et ad gregem pertinent, significant illa quae sunt partis voluntariae. Quod partem intellectualem attinet, est illa quae recipit vera fidei, nam intellectus est visus internus qui illustratur a luce 1caeli, et quantum illustratur, tantum appercipit, videt, et agnoscit vera 2fidei, cum legit Verbum; inde est quod illi qui in perceptione veri fidei sunt dicantur intelligentes et sapientes, et quoque illustrati; quod intellectuale sit recipiens veri fidei, videatur n. 5114, 6125, 6222. @1 spirituali$ @2 quae fidei in Verbo$
Arcana Coelestia 6
Passage 7504
#7504 "In armentum et in gregem": quod significet voluntaria, constat a significatione "armenti" quod sit bonum 1exterioris naturalis, et ex significatione "gregis" quod sit bonum 2interioris naturalis, de quibus n. 5913; et quia per illa significatur bonum, significatur voluntarium, nam omne bonum se refert ad voluntatem, et omne verum ad intellectum. @1 exterius naturale$ @2 interius naturale$
Arcana Coelestia 6
Passage 7505
#7505 "Pestis gravis valde": quod signficet consumptionem in communi, 1 constat ex significatione "pestis" quod sit vastatio veri, et quia dicitur "pestis gravis valde," 2significatur consumptio veri; quod "pestis" vastationem veri significet, patet ab his locis in Verbo: apud Ezechielem, Quando quattuor judicia Mea mala, gladium, et famem, et feram malam, et pestem, misero super Hierosolymam, ad exscindendum ex ea hominem et bestiam, xiv 21; "exscindere hominem et bestiam" pro vastare bonum interius et exterius: apud eundem, Gladius foris, et pestis atque fames intus; qui in agro, gladio morietur, qui vero in urbe, illum fames et pestis comedent, vii 15; "pestis" pro vastatione boni: apud eundem, Ideo quod sanctuarium Meum polluisti omnibus abominationibus tuis, tertia pars tui peste morientur, et consumentur in medio tui, v ,] 12; "pestis" pro consumptione boni: apud Amos, Misi in vos pestem in via Aegypti, occidi gladio juvenes vestros, cum captivitate equorum vestrorum, iv 10; "pestis in via Aegypti" pro vastatione 3boni et veri per falsa, quae sunt "via Aegypti"; "occidi gladio juvenes cum captivitate equorum" pro vastatione veri; "juvenes" sunt vera, et "equi" intellectualia, ut supra n. 7503 apud Davidem, Non timebis tibi a pavore noctis, a telo volat interdiu; a peste quae in caligine serpit, a morte vastat in meridie, Ps. xci 5, 6; "pestis quae in caligine serpit" pro malo quod in occulto vastat; "mors quae vastat in meridie" pro malo quod in aperto; praeter aliis in locis. @1 i nempe veri et boni fidei,$ @2 est$ @3 veri et boni$
Arcana Coelestia 6
Passage 7506
#7506 "Et distinguet Jehovah inter pecus Israelis, et inter pecus Aegyptiorum": quod significet differentiam inter vera et bona fidei illorum qui ab Ecclesia spirituali, et inter vera et bona fidei quae [ab Ecclesia] illis qui infestant, constat (c)a significatione "distinguere" quod sit differentia; ex significatione "pecoris" quod sint vera et bona fidei, ut supra n. 7502; ex repraesentatione "filiorum Israelis" quod sint qui ab Ecclesia spirituali, de qua etiam supra n. 7500; et a significatione "pecoris Aegyptiorum" quod sint bona et vera Ecclesiae quae illis 1qui infestant; quod "Aegyptii" sint qui ab Ecclesia fuerunt, ac inde in scientia veri et boni fidei, sed in vita mali, et qui in altera vita infestant, videatur n. 7097, 7127, 7317, 7502. 2 Quod differentiam attinet inter vera et bona fidei illorum qui ab Ecclesia et salvantur, et inter vera et bona fidei illorum qui ab Ecclesia et damnantur, paucis dicendum: vera et bona fidei quae illis qui ab Ecclesia et salvantur sunt ex bono charitatis, et quia affectio charitatis est ipsum spirituale, sunt illa vera et bona spiritualia, et per caelum a Domino influentia, interiora enim illorum, quae recipiunt 2, sunt aperta ad caelum, at vera et bona 3 illorum qui ab Ecclesia et damnantur non sunt ex 4 bono charitatis, ita nec sunt spiritualia; per caelum quidem influunt sed recipiuntur in frigore et caligine, in frigore quia bonum charitatis non est, in caligine quia lux, qua recipiunt illa, est quasi lux 5hiemis, quae lux est ad lucem caeli ut caligo; interiora eorum nec aperta sunt ad caelum sed ad mundum; in hunc determinant influxum veri et boni e caelo; inde quoque ideae quas hi habent de fidei bono et vero sunt mere naturales, immo materiales, quae in mundo spirituali repraesentatae sunt deformes, et 6non aliquam similitudinem hominis habent; at 7ideae de vero et bono fidei illorum qui ab Ecclesia sunt et salvantur sunt spirituales, et tametsi terminantur in materialibus quae mundi sunt, usque tamen ab illis separatae sunt, nam ab illis elevari possunt; horum ideae in mundo spirituali repraesentatae sunt pulchrae, et similitudinem hominis habent; talis differentia est, utcumque in externa forma apparent 8similes, hoc est, in sermone et praedicatione. 3 Causa quod talis differentia sit, est 9 vita, bonum enim vitae, quod est ex charitate, cum influit in intellectuale, quod receptaculum est veri, format ideas de 10bonis et veris fidei pulchras; at malum vitae, quod contrarium est charitati, cum influit in intellectuale, facit ideas de bonis et veris fidei deformes, et tales ut non agnoscantur in caelo. @1 quae$ @2 i illos quae fidei sunt$ @3 i fidei$ @4 i aliquo$ @5 hyemalis$ @6 ***$ @7 vera et bona AI$ @8 similia I$ @9 i ex$ @10 veris et bonis$
Arcana Coelestia 6
Passage 7507
#7507 "Et non morietur de omni filiis Israelis quicquam": quod significet quod non consumentur, constat ex significatione "non mori quicquam" quod sit non consumi; et ex significatione "pecoris" de quo dicitur quod non morietur, quod sit verum et bonum fidei, de qua supra n. 7502; et ex repraesentatione "filiorum Israelis" quod sint qui ab Ecclesia spirituali; quod non mori queant bona et vera fidei quae illis qui ab Ecclesia 1, est quia per 2charitatem conjuncta sunt cum Divino, (c)et Divinum est ipsa vita, et est 3 aeternum; quod ipsi vitae 4ac aeterno conjunctum est, hoc non potest mori, seu non consumi; manet in aeternum, et continue 5perficitur; at quae fidei sunt apud illos qui ab Ecclesia et damnantur, illa quia non conjuncta sunt cum Divino, 6et inde non vitam in se habent, 7moriuntur; sunt enim sicut simulacra nullius vitae; quae quia non viva, in altera vita consumuntur, hoc est, auferuntur. @1 i et salvantur$ @2 bonum charitatis sunt conjuncta$ @3 i ipsum$ @4 aut ipso$ @5 crescit$ @6 ita$ @7 Before quia$
Arcana Coelestia 6
Passage 7508
#7508 "Et posuit Jehovah tempus statum": quod significet praefinitionem, constat absque explicatione.
Arcana Coelestia 6
Passage 7509
#7509 "Dicendo, Cras faciet Jehovah verbum hoc in terra": quod significet quod hoc illis in perpetuum, quoad illa quae sunt veri et boni fidei Ecclesiae, constat ex significatione "cras" 1seu "crastini" quod sit in perpetuum, de qua n. 3998; quod sit quoad illa quae sunt veri et boni fidei Ecclesiae 2, patet ab illis quae praecedunt, nam de illis agitur, quod nempe consumentur apud illos qui per "Aegyptios" intelliguntur; et quod permanebunt apud illos qui per "filios Israelis" repraesentantur. @1 vel$ @2 i quae Jehovah facturus sit$
Arcana Coelestia 6
Passage 7510
#7510 "Et fecit Jehovah verbum hoc a crastino": quod significet effectum secundum praefinitionem, constat ex significatione "facere verbum hoc" quod sit effectus; et ex significatione temporis stati, quod hic est tempus "crastinum," quod sit praefinitio, ut supra n. 7508; praefinitio a Divino, cum se refert ad perpetuum, exprimitur per "crastinum."
Arcana Coelestia 6
Passage 7511
#7511 Et moriebatur omne pecus Aegyptiorum": quod significet consumptionem veri et boni fidei apud illos qui infestant, constat ex significatione "mori," nempe per pestem quod sit consumptio, ut supra n. 7505, 7507; et ex significatione "pecoris Aegyptiorum" quod sint vera et bona Ecclesiae apud illos qui infestant, ut quoque supra n. 7506.
Arcana Coelestia 6
Passage 7512
#7512 Et de pecore filiorum Israelis non moriebatur unum": quod significet quod nihil fidei consumeretur apud illos qui ab Ecclesia spirituali, constat ex illis quae mox supra n. 7506, 7507, explicata sunt.
Arcana Coelestia 6
Passage 7513
#7513 Et misit Pharao, et ecce non mortuum de pecore Israelis usque ad unum": quod significet quod id notum factum sit illis qui infestant, constat ex repraesentatione "Pharaonis" quod sint qui infestant, de qua supra n. 7498; quod illis notum factum sit, nempe quod nihil de bonis et veris fidei perierit apud illos qui ab Ecclesia spirituali 1, (x)significatur per quod miserit et invenerit quod non quicquam mortuum sit de pecore Israelis, patet. @1 i sunt$
Arcana Coelestia 6
Passage 7514
#7514 "Et aggravatum cor Pharaonis" significat obstinationem, ut prius n. 7272, 7300, 7305.
Arcana Coelestia 6
Passage 7515
#7515 "Et non dimisit populum": quod significet quod non relinquerent illos, nempe qui ab Ecclesia spirituali quos infestabant, videatur n. 7474, ubi eadem verba.
Arcana Coelestia 6
Passage 7516
#7516 Vers. 8-12. Et dixit Jehovah ad Moschen et ad Aharonem, Accipite vobis plenitudine pugnorum vestrorum favillam fornacis, et spargat illam Moscheh versus caelum ad oculos Pharaonis. Et erit in pulverem super omni terra Aegypti, et erit super homine et super bestia ad ulcus efflorescens pustulis in omni terra Aegypti. Et acceperunt favillam fornacis, et constiterunt coram Pharaone, et sparsit illam Moscheh versus caelum, et factum ulcus pustularum efflorescens in homine et in bestia. Et non potuerunt magi stare coram Moscheh propter ulcus, quia fuit ulcus in magis et in omnibus Aegyptiis. Et obfirmavit Jehovah cor Pharaonis, et non audivit ad illos, quemadmodum locutus Jehovah ad Moschen. "Et dixit Jehovah ad Moschen et ad Aharonem" significat e novo instructionem: "Accipite vobis plenitudine pugnorum vestrorum" significat potentiam, quantum recipi posset, datam: "favillam fornacis" significat excitandi falsa cupiditatum per praesentiam apud illos qui infestant: "et spargat illam Moscheh versus caelum" significat falsa ista illis in caelo ostensa: "ad oculos Pharaonis" significat in praesentia: 1 "et erit in pulverem super omni terra Aegypti" significat damnationem falsorum illorum in mente naturali: "et (x)erit super homine et super bestia" significat quae ex malo interiore et exteriore: "ad ulcus efflorescens pustulis" significat spurca cum blasphemiis inde: "in omni terra Aegypti" significat in tota mente naturali: "et acceperunt favillam fornacis" significat falsa cupiditatum: "et constiterunt coram Pharaone" significat in praesentia illorum qui infestant: "et sparsit illam Moscheh versus caelum" significat 2ista ostensa illis in caelo: "et factum ulcus pustularum efflorescens in homine et in bestia" significat spurca cum blasphemiis ex malo interiore et exteriore: "et non potuerunt magi stare coram (x)Moscheh propter ulcus" significat quod non praesentes possent esse (d)qui abusi ordine Divino effigiando simile in forma externa: "quia fuit ulcus in magis" significat quod similia spurca ex illis prodirent: "et in omnibus Aegyptiis" significat sicut in illis qui infestabant: "et obfirmavit Jehovah cor Pharaonis" significat quod illi se obstinarent: et non audivit ad illos" significat quod non oboedirent: "quemadmodum locutus Jehovah ad Moschen" significat secundum praedictionem. @1 See p. 403, footnote 2, which reads: Above super omni S wrote Deut. xxviii 24 which he wrote again above the summary exposition of v 9. cp also n. 7522$ @2 falsa illa, cp n. 7528$
Arcana Coelestia 6
Passage 7517
#7517 Et dixit Jehovah ad Moschen et ad Aharonem": quod significet e novo instructionem, constat ex significatione "dixit Jehovah" quod sit instructio, ut supra n. 7497; quod instructio e novo, est quia nunc agitur de 1novo statu, finito priore; instructio quae a Jehovah fit per verum quod procedit ab Ipso; verum quod procedit a Jehovah repraesentatur per "Moschen et Aharonem," verum internum per "Moschen," et externum per "Aharonem," n. 7382. @1 nova plaga, finita priore$
Arcana Coelestia 6
Passage 7518
#7518 "Accipite vobis plenitudine pugnorum vestrorum": quod significet potentiam, quantum recipi posset, datam, constat a significatione "pugnorum" seu "volarum" quod sint potentia; quod "pugni" seu "volae" sint potentia, est quia "manus" significat illam, de 1qua infra; quantum recipi potest significatur per "plenitudinem." Quod significationem "pugnorum" seu "volarum" attinet, sciendum quod brachia in Maximo Homine correspondeant potentiae; inde non solum ipsa brachia 2significant potentiam, sed etiam 3humeri, tum quoque manus, usque ad digitos; quod brachia 4sint potentia, videatur n. 878, 4932, 4934, 4935, 7205; quod 5humeri n. 1085, 4937; quod manus, n. 878, 3387, 5327, 5328, 5544, 6292, 6947, 7011, 7188, 7189; quod etiam digiti, n. 7430, 6de correspondentia illorum in genere, n. 4931-4937. Causa quod omnia quae brachii sunt correspondeant potentiae, est quia corpus (t)potentiam suam exercet per illa. Ex his constare potest quid per "sedere a dextris" significatur apud Matthaeum, Jesus dixit, Ex nunc videbitis Filium hominis sedentem (c)a dextris potentiae, xxvi 64: et apud Lucam, Ex hoc nunc erit Filius hominis sedens a dextris virtutis Dei, xxii 69, quod nempe (d)sit Omnipotentia quae Domino; quapropter 7 dicitur "a dextris putentiae," et "a dextris virtutis": ut quoque apud Davidem, (m)Tibi brachium cum virtute, fortis est manus Tua, (x)exaltabitur dextra Tua, Ps. lxxxix 14 [A.V. 13].(n) Ex his patet quid lucis in Verbo dat sensus internus; nisi enim inde sciretur quod per "dextram" significetur potentia, 8intelligeretur secundum verba quod "Dominus sederet a dextris Jehovae." @1 quo I$ @2 significat$ @3 humerum$ @4 sit$ @5 humerus$ @6 A had in genere de correspondentia omnium illorum cum potentia but altered to quod correspondeant potentiae$ @7 i etiam$ @8 credi posset quod secundum verba intelligeretur$
Arcana Coelestia 6
Passage 7519
#7519 "Favillam fornacis": quod significet excitandi falsa cupiditatum per praesentiam apud illos qui infestant, constat ex significatione "favillae fornacis" quod sint falsa cupiditatum, de qua sequitur; quod sit excitatio per praesentiam apud illos qui infestant, constat ex illis quae in hoc versu sequuntur, nam dicitur quod "Moscheh spargeret illam versus caelum, in oculis Pharaonis"; per "in oculis" significatur praesentia, et per "Pharaonem" significantur illi qui infestant, ut 1 saepe ostensum. 2 Quomodo cum his se habet, absque revelatione (t)non sciri potest, sunt enim talia quae fiunt in altera vita, et non 2nota sunt in mundo; spiritus mali seu infernales quamdiu remoti sunt et separati a caelo, hoc est, a bono amoris et 3 vero fidei quae ibi, tamdiu non sciunt quod in malis et 4 falsis sint, tunc enim falsa credunt esse vera, et mala esse bona; ast ut primum caelum propius ad illos accedit, hoc est, aliqua societas caelestis, 5appercipiunt falsa et mala, verum enim fidei quod tunc influit dat illis 6appercipere falsa, et bonum amoris quod influit dat illis 7appercipere mala; etiam quo propius accedit caelum, seu quo praesentius influit bonum amoris et verum fidei ejus, (m)quia non sustinent illa, eo gravius a malis suis et a falsis 8 corripiuntur. 3 Ex his nunc constare potest cur mandatum est quod Moscheh "acciperet favillam fornacis et illam spargeret versus caelum" et quod "hoc faceret in oculis Pharaonis," tum quod mandatum 9quod ille "favillam spargeret versus caelum," non autem Aharon; quod enim "spargeretur favilla versus caelum" significatur influxus caeli; per quod "hoc fieret in oculis Pharaonis" significatur (d)quod in praesentia illorum qui infestant; quod Moscheh hoc faceret et non Aharon, est quia verum immediate a Divino procedens illum effectum apud malos sistit, Moscheh enim est verum quod immediate a Divino procedit, et Aharon quod mediate, videatur n. 7010; ex his patet quid in sensu interno intelligitur per haec quae in hoc versu et in proxime sequentibus continentur, quod nempe sit ut excitentur spurca et foeda cupiditatum cum blasphemiis, quae significantur per "ulcus efflorescens pustulis"; excitantur 10illa quando Divinum Verum influit et caelum propius accedit. 4 Quisque videre potest quod talia nequaquam 11Moschi a Jehovah mandata fuissent nisi arcanum caeleste inesset, scilicet quod "Moscheh favillam fornacis acciperet et (x)illam spargeret versus caelum"; 12talia media producendi effectum nusquam a Jehovah juberentur nisi continerent caeleste, cui correspondent; inde videri potest quale est Verbum, quod nempe arcanis plenissimum, sed arcanis quae non exstant in sensu litterae. 5 Quod "favilla fornacis" significet falsa cupiditatum, est quia favilla est ex combustis; quod comburitur, ut quoque ipse ignis, in Verbo in bono sensu significat bonum affectionum caelestium, at in opposito sensu malum cupiditatum infernalium; quod ignis illa significet, videatur n. 934, 1861, 2446, 4906, 5071, 5215, 6314, 6832, 6834, 6849, 7324; et quod combustio (d)sit malum cupiditatum, n. 1297, 5215; inde est quod "favilla" significet falsa, nam falsa sunt ex malis cupiditatum; 13 quia mala cupiditatum significantur per "ignem," etiam significantur per "fornacem," est fornax continens quod saepius involvit simile cum contento. 6 Quod "fornax" illa significet, constat ab his locis: apud Malachiam, Ecce dies veniens ardens sicut fornax, et erunt omnes superbi, et omnis faciens malitiam stipula, et inflammabit illos dies veniens, non relinquet iis radicem et ramum, iii 19 [A.V. iv 1]; "ardens sicut fornax" pro cupiditatibus mali; 14"inflammare illos" pro accendere cupiditatibus: in Libro Geneseos, 7 Abraham prospexit contra facies Sodomae et Amorae, et contra omnes facies terrae planitiei, et vidit, et 15 ascendit fumus, sicut fumus fornacis, xix 28; "fumus fornacis" pro filsis ex malis cupiditatum, "Sodoma" enim est malum cupiditatum ex amore sui, et "Amora" est falsum inde, n. 2220, 2246, 2322: apud Johannem, E puteo abyssi ascendit fumus, sicut fumus fornacis, Apoc. ix 2; "fumus fornacis" similiter pro falsis ex malis cupiditatum; "puteus abyssi" pro inferno: apud Matthaeum, 8 Mittet Filius hominis angelos suos, qui colligent e regno Ipsius omnia offendicula, et eos qui faciunt iniquitatem, et mittet eos in caminum ignis, xiii 41, 42; "caminus ignis" pro malis cupiditatum; ignis enim cupiditatum est qui in Verbo intelligitur per "ignem inferni"; amores etiam non aliud sunt quam ignes vitae; continuum 16amoris est cupiditas: apud Nahum, 9 Aquas obsidii hauri tibi, confirma munimenta tua, intra in caenum, et calca lutum, repara fornacem latericiam; ibi comedet te ignis, exscindet te gladius, iii 14, 15; "intrare in caenum" pro in falsum, "calcare lutum" pro malum, n. (x)6669; "fornax latericia" pro falsis quae fingunt, (m)17et injiciuntur a malis,(n) n. 1296, (x)6669, 7113; "ignis" 18pro cupiditate mali, n. 1861, 2446, 5071, 5215, 6832, 7324; 19"gladius" pro falsitate, n. 4499: apud Jeremiam, 10 Sume in manum tuam lapides magnos, et absconde illos in argilla in fornace latericia, quae ad ostium domus Pharaonis in Thachpancheso, in oculis virorum Judaeorum, et dic ad illos, Ecce, Ego mittens et accipiam Nebuchadnezarem regem Babelis et ponam thronum illius super lapides hos, quos abscondi, ita ut extendat tentorium suum super illis; veniet et percutiet terram Aegypti, xliii 9, 10 [, 11]; quid haec significant nec sciri 20potest absque sensu interno; "lapides magni" sunt falsa; "fornax latericia" est cupiditas falsi ex malo; "Nebuchadnezar rex Babelis" est vastator veri et boni; quod "thronus ejus et tentorium 21 super his lapidibus esset" est quod regnare faciet falsa; "terra Aegypti quam percutiet" est mens naturalis. @1 i prius$ @2 manifesta$ @3 i a$ @4 i in$ @5 tunc percipiuntur$ @6 appercipere altered to percipere$ @7 percipere$ @8 i fortius$ @9 sit Moschi, ut ille favillam spargeret versus coelum, non autem Aharon; per Moschen enim repraesentatur Verum quod immediate procedit a Divino, et quia verum etiam significatur bonum, nam Verum Divinum procedit a Divino Bono; per quod$ @10 et apparent quando coelum propius accedit et influit$ @11 After Jehovah$ @12 sed quia mandata sunt, patet manifeste, quod singula involvant arcana, nempe quod esset favilla ex fornace, quam quod spargeret illam versus coelum: et hoc a Mosche non ab Aharoni$ @13 i inde enim existunt; et$ @14 quare dicitur quod inflammabit illos$ @15 i ecce$ @16 amorum$ @17 quae$ @18 quod cupiditas$ @19 exscindet te gladius pro quod falsitas$ @20 possunt$ @21 i ejus$
Arcana Coelestia 6
Passage 7520
#7520 "Et spargat illam Moscheh versus caelum": quod significet quod falsa ista illis in caelo ostensa, constat ex significatione "favillae" quod sint falsa, de qua sequitur; et ex significatione "spargere versus caelum" quod sit ostendere ista illis qui in caelo; quod "spargere" sit ostendere, patet, nam inde apparitio; per "caelum" in sensu interno intelligitur caelum angelicum. Quid haec significant, patet ab illis quae mox supra n. (x)7519 dicta sunt, quod nempe per verum a Divino, quod repraesentatur per "Moschen," falsa cupiditatum illorum qui infestant, ostensa et manifestata sint caelo, unde praesentia ejus, et ex praesentia existentia talium apud malos, quae 1significantur per "ulcus efflorescens pustulis." Quod "favilla" sit falsum, confirmari potest ex locis ubi cinis nominatur, nam cinis ex simili origine est, et inde simile "cum favilla" significat; ut apud Esaiam xiiv 15, 20, lviii 5; Jer. (x)vi 26; Ezech. xxvii 30, xxviii 18; Jon. iii 6; Ps. cii 10, 11; Hiob. ii 8, xxx 19. @1 significatur$
Arcana Coelestia 6
Passage 7521
#7521 "Ad oculos Pharaonis": quod significet in praesentia, constat absque explicatione.
Arcana Coelestia 6
Passage 7522
#7522 "Et erit in pulverem in omni terra Aegypti": quod significet damnationem falsorum illorum in mente naturali, constat a significatione "pulveris" quod sit damnatum, de qua supra n. 7418; ex significatione "favillae (x)fornacis" quae facta est in pulverem, quod sint falsa cupiditatum, de qua mox supra n. (x)7519, 7520; et ex significatione "terrae Aegypti" quod sit mens naturalis, de qua n. 5276, 5278, 5280, 5288, 5301. Quod "pulvis" sit damnatum, praeter a locis e Verbo n. 7418 allegatis, etiam patet ex hoc apud Moschen, Si non oboediveris voci Jehovae Dei tui, maledictus tu in urbe, maledictus tu in agro; dabit Jehovah pluviam terrae tuae pulverem tenuem et pulverem crassum: de caelo descendet super te, usque dum perdaris, Deut. xxviii 15, 16, 24.
Arcana Coelestia 6
Passage 7523
#7523 "Et erit super homine et super bestia"; quod significet quae ex malo interiore et exteriore, constat ex significatione "hominis" quod sit 1affectio boni, et in opposito sensu cupiditas mali, similiter "bestia", sed cum nominatur "homo et bestia," tunc per "hominem" significatur affectio seu cupiditas interior, et per "bestiam" exterior, de quibus videatur n. 7424; bonum interius et quoque malum interius, quae per "hominem" significantur sunt quae intentionis 2seu finis sunt, nam intentio 3seu finis intimum hominis est; bonum autem exterius et quoque malum exterius, quae per "bestiam" significantur, sunt quae cogitationis, et inde, cum nihil obstat, 4actionis; quod exterius significetur per "bestiam," est quia homo quoad externum seu naturalem suum hominem non est nisi 2quam bestia, similibus 5enim cupiditatibus et quoque voluptatibus, ut et appetitibus et sensibus, gaudet; 6et quod interius significetur per "hominem," est quia homo quoad internum seu spiritualem hominem est homo, ibi gaudet affectionibus boni et veri, talibus quae sunt apud angelos in caelo, (x)et quia per illum regit naturalem seu animalem suum 7hominem, qui bestia est; quod "bestia" sit 8affectio boni, et in opposito sensu 9cupiditas mali, videatur n. 45, 46, 142, 143, 246, 714, 715, 719, 776, 2179, 2180, 3218, 3519, 5198. 2 Illa sunt quae significantur per "hominem et bestiam" etiam in sequentibus locis: apud Jeremiam, Ira Mea et excandescentia Mea effusa est super locum hunc, super hominem et super bestiam, 10 vii 20: apud eundem, Percutiam habitatores urbis hujus, et hominem et bestiam, peste magna morientur, xxi 6: apud eundem, Ponet terram ejus in desolationem, ut non habitans in ea, ab homine usque ad bestiam se dimoverunt, abiverunt, l 3: apud Ezechielem, Quando terra peccaverit Mihi, praevaricando praevaricationem, exscindam ex ea hominem et bestiam, xiv 13, 19, 21: apud eundem, Extendam manum Meam super Edomum, et exscindam ex ea hominem et bestiam, et dabo illam vastitatem, xxv 13: apud Zephaniam, Consumam hominem et bestiam, consumam avem caelorum, et pisces maris, et offendicula cum impiis, et exscindam hominem a superficiebus terrae, i 3. 3 "Homo et bestia" pro bono interiore et exteriore in sequentibus locis: apud Jeremiam, Ego feci terram, hominem et bestiam per virtutem Meam magnam, xxvii 5: apud eundem, Ecce dies venientes, dictum Jehovae, quibus seminabo domum Israelis et domum Jehudae, semine hominis et semine bestiae, xxxi 27: apud eundem, Desolatio erit terra, ita ut non homo et bestia, xxxii 43: apud eundem, In urbibus Jehudae, et in plateis Hierosolymae, (x)devastatis non homo et non habitator, et non bestia, xxxiii 10, li 62: apud Davidem, Justitia Tua sicut montes Dei, (x)judicia Tua abyssus magna, hominem et bestiam servas, Jehovah, Ps. xxxvi (x)7 [A.V. 6]. Quia per "hominem et bestiam" illa significata sunt, idcirco Primogenita Aegyptiorum, tam hominum quam bestiarum, (11mortua sunt, Exod. xii 29: ac ideo 12Sanctificata sunt primogenita, tam de homine quam de bestia, Num. xviii 15: ac ideo quoque ex ritu sancto mandatum 13est a rege Ninives, ut Tam homo quam bestia jejunarent, et quoque saccis operirentur, Jon. iii 7, 8. @1 bonum, et in opposito sensu malum, et ex significatione bestiae, quod sit affectio boni, et in opposito sensu cupiditas mali$ @2 et$ @3 aut$ @4 actus$ @5 ibi$ @6 at$ @7 hominis$ @8 affectiones$ @9 cupiditates$ @10 i Jerem.$ @11 occisa$ @12 sanctificati sunt Jehovae primogeniti$ @13 fuit$
Arcana Coelestia 6
Passage 7524
#7524 "Ad ulcus efflorescens pustulis": quod significet spurca cum blasphemiis inde, constat ex significatione "ulceris" quod sint spurca quae ex malis, et ex significatione "pustularum" quod sint blasphemiae quae inde; ulcera apud hominem in ejus corpore correspondent spurcis quae ex malis et pustulae blasphemiis; et quoque forent in omni homine malo, nisi is, quamdiu in mundo est, in statu recipiendi bonum et verum fidei esset; propter illum statum inhibetur a Domino ne talia ex malis erumpant. 2 Quod 1 ulcera significent spurca cum blasphemiis, patet etiam apud Johannem, Primus angelus effudit phialam suam super terram, et factum est ulcus malum et noxium in hominibus, qui habebant characterem bestiae. Quintus angelus effudit phialam super thronum bestiae, et blasphemarunt Deum caeli prae molestiis et prae ulceribus suis, Apoc. xvi 2, ,] 11: et apud Moschen, Percutiet te Jehovah ulcere Aegypti, et 2haemorrhoidis, et scabie, et prurigine, ut non possis sanari; 3quo fies insanus ab aspectu oculorum, quo aspicies. Percutiet te Jehovah ulcere malo super genubus et super femoribus, a quibus non possis sanari; abducet Jehovah te et regem tuum, quem constitues super te, ad gentem quam non novisti, Deut. xxviii 27, 34-36; "ulcus Aegypti" pro spurcis cum blasphemiis; et quia blasphemiae quoque significantur, dicitur quod "fiet insanus ab aspectu oculorum," qui enim blasphemat Deum, is insanit; genera ulcerum sunt 4haemorrhoidae, 3 scabies, prurigo, quae (x)significant totidem genera falsorum ex malis; similiter paene per ulcera super genubus et femoribus; et quia significant falsa, immediate sequitur quod abducetur rex quem constituent; per "regem" enim significatur verum, et in opposito sensu falsum, n. 1672, 2015, 2069, 3009, 4581, 4966, 5044, 6148. Ulcera leprae, ut tumor, abscessus, papula, ustio, potrigo, vitiligo, quae nominantur Lev. xiii 1 ad fin., sunt quoque talia, nam "lepra" in sensu spirituali est profanatio veri, n. (x)6963. 4 Quod etiam "vulnera" significent talia, 5 patet apud Esaiam, A vola pedis usque ad caput non in eo integritas, vulnus et 6livor et plaga recens, non expressa sunt, et non obligata, et non emollita oleo, i 6: et apud Davidem, Iniquitates meae transiverunt caput meum; computruerunt, contabuerunt vulnera mea, propter stultitiam meam, Ps. xxxviii 5, 6 [A.V. 4, 5]. @1 i talia$ @2 haemorrhoidibus AI cp Sch$ @3 quia$ @4 haemorrhoides AI$ @5 i etiam$ @6 cicatrix$
Arcana Coelestia 6
Passage 7525
#7525 "In omni terra Aegypti": quod sit mens naturalis, videatur mox supra n. 7522.
Arcana Coelestia 6
Passage 7526
#7526 "Et acceperunt favillam fornacis": quod significet falsa cupiditatum, constat ex significatione "favillae fornacis" quod sint falsa cupiditatum, de qua supra n. 7519.
Arcana Coelestia 6
Passage 7527
#7527 "Et constiterunt coram Pharaone": quod significet in praesentia illorum qui infestant, constat ex significatione "consistere coram aliquo" quod sit in praesentia; et ex repraesentatione "Pharaonis" quod sint qui infestant, de qua n. 7107, 7110, 7126, 7142, 7220, 7228.
Arcana Coelestia 6
Passage 7528
#7528 "Et sparsit illam Moscheh versus caelum": quod significet falsa 1ista ostensa illis in caelo, constat ex illis 2 supra n. 2520, ubi similia verba. @1 illa cp n. 7516$ @2 i quae$
Arcana Coelestia 6
Passage 7529
#7529 "Et factum ulcus pustularum efflorescens in homine et in bestia": quod significet spurca cum blasphemiis ex malo interiore et exteriore, constat ex significatione "ulceris pustularum" quod sint falsa cum blasphemiis, de qua supra n. 7524; et ex significatione "hominis et bestiae" quod sit malum interius et exterius, de qua etiam supra n. 7523.
Arcana Coelestia 6
Passage 7530
#7530 "Et non potuerunt magi stare coram Moscheh propter ulcus": quod significet quod praesentes non possent esse qui abusi ordine Divino effigiando simile in forma externa, constat ex significatione "non posse stare coram aliquo" quod sit non posse (x)praesens esse; et ex significatione "magnorum" quod sint qui abutuntur ordine Divino effigiando simile in forma externa, de qua n. 7296, 7337; et ex significatione "ulceris" quod 1sint spurca cum blasphemiis, de qua supra n. 7524. @1 sit spurcum$
Arcana Coelestia 6
Passage 7531
#7531 "Quia fuit ulcus in magis": quod significet quod similia spurca ex illis prodirent, constat ex 1illis nunc supra n. 7530. @1 significatione ulceris, quod sint spurca cum blasphemiis; et ex significatione magorum, quod sint qui abutuntur ordine Divino, effigiando simile in forma externa, de quibus$
Arcana Coelestia 6
Passage 7532
#7532 "Et in omnibus Aegyptiis": quod significet sicut in illis qui infestabant, constat ex significatione "Aegyptiorum" quod sint illi qui infestant, de qua n. (x)7097, 7317. 1 @1 Similiter ac per Pharaonem, n. 7107, 7110, 7126, 7142, 7220, 7228.$
Arcana Coelestia 6
Passage 7533
#7533 "Et obfirmavit Jehovah cor Pharaonis": quod significet quod illi se obstinarent, constat ex significatione "obfirmari," "indurari," "aggravari cor" quod sit obstinatio, de qua n. 7272, 7300, 7305. Quod dicatur quod "Jehovah 1obfirmaverit cor illius," in sensu interno significat quod non Jehovah sed illi 2obfirmaverint cor suum, hoc est, se 3obstinaverint; malum enim apud hominem est quod obfirmat seu obstinat illum contra Divina, et malum venit ex homine, et influit ab inferno, non autem e caelo; per caelum a Domino nihil nisi quam bonum influit; a bono, minus ab Ipsissimo Bono, non potest malum prodire; malum prodit ex suis originibus, nempe ex contrariis amori in Deum et amori erga proximum; tales origines dantur apud hominem, et nullatenus apud Deum; inde patet quod ubi dicitur in Verbo quod Deus inducat malum, (t)sit dictum secundum apparentiam; 4sed de his videantur n. 2447, (x)6991, 6997. @1 obfirmavit$ @2 obfirmarent$ @3 obstinarent$ @4 secundum quam in pluribus est sensus literae Verbi, non autem sensus internus illius; sed quod in Verbo tribuatur Deo malum, videatur$
Arcana Coelestia 6
Passage 7534
#7534 "Et non audivit ad illos": quod significet quod non oboedirent, constat ex significatione "non audire ad aliquem" quod sit non oboedire, ut quoque n. 7224, (x)7275, 7301, 7339, 7413.
Arcana Coelestia 6
Passage 7535
#7535 "Quemadmodum locutus Jehovah [ad Moschen]: "quod significet secundum praedictionem, ut prius n. 7302, 7340, 7414, 7432.
Arcana Coelestia 6
Passage 7536
#7536 Vers. 13-18. Et dixit Jehovah ad Moschen, Surge mane in matutino, et consiste coram Pharaone, et dicas ad illum, ita dixit Jehovah Deus Hebraeorum, Dimitte populum Meum, (x)et serviant Mihi. Quia vice hac Ego mittens omnes plagas Meas in cor tuum, et in servos tuos, et in populum tuum, propterea ut scias quod nullus sicut Ego in tota terra. Quia nunc mitterem manum Meam, et percuterem te et populum tuum peste, et exscindereris e terra. Verum tamen propter hoc stare feci te, propter videre te virtutem Meam, et propterea ut narretur nomen Meum in tota terra. Adhuc tu extollis te in populum Meum, quo minus dimittas illos. Ecce Ego facio pluere juxta tempus crastinum grandinem gravem valde, quae non fuit sicut illa in Aegypto a die fundata illa et usque ad nunc. "Et dixit Jehovah ad Moschen" significat iterum instructionem quid agendum: "Surge mane in matutino, et consiste coram Pharaone" significat elevationem attentionis illorum qui infestant, per praesentiam: "et dicas ad illum, Ita dixit Jehovah Deus Hebraeorum" significat mandatum a Domino, qui Deus Ecclesiae: "Dimitte populum Meum, et serviant Mihi" significat ut relinquant illos qui ab Ecclesia spirituali, ut colant Dominum Deum suum: "quia vice hac Ego mittens omnes plagas Meas" significat quod fieri posset ut omnia mala ventura 1in illos simul irruerent: "in cor tuum" significat in intimum: "in servos tuos, et in populum tuum" significat in omnia et singula: "propterea ut scias quod nullus sicut Ego in tota terra" significat eis notum inde quod Dominus solus Deus: "quia nunc mitterem manum Meam" significat quod omnis communicatio adimi posset: "et percuterem te et populum tuum peste" significat ita devastationem totalem: "et exscindereris e terra" significat quod sic non communicatio amplius per illa quae Ecclesiae: "verum tamen propter hoc stare feci te" significat quod adhuc permaneret communicatio, et 2percurrerent status ex ordine: "propter videre te virtutem Meam" significat ut appercipiant quanta est potentia Divina: "et propterea ut narretur nomen Meum in tota terra" significat ut sic agnoscatur Dominus pro solo Deo ubi Ecclesia: "adhuc tu extollis te in populum Meum" significat quia nondum desistit infestare illos qui in vero et bono: "quo minus dimittas illos" significat et non adhuc relinquit: "ecce Ego facio pluere juxta tempus crastinum grandinem gravem valde" significat falsa destruentia omnia Ecclesiae apud illos: "quae non sicut illa in Aegypto a die fundata illa et usque ad nunc" significat quod talis destructio non apud alios in mente naturali. @1 After simul I$ @2 percurreret$
Arcana Coelestia 6
Passage 7537
#7537 "Et dixit Jehovah ad Moschen": quod significet iterum instructionem quid agendum, videatur supra n. 7517.
Arcana Coelestia 6
Passage 7538
#7538 "Surge mane in matutino, et consiste coram Pharaone": quod significet elevationem attentionis illorum qui infestant, per praesentiam, constat ex significatione "surgere mane in matutino," 1 de qua n. 7435; ex significatione "consistere coram aliquo" quod sit praesentia, de qua n. 7527; et ex repraesentatione "Pharaonis" quod sint qui infestant, de qua n. 7107, 7110, 7126, 7142, 7220, 7228. @1 i cum dicitur quod ad illos qui infestant, quod sit elevatio attentionis,$
Arcana Coelestia 6
Passage 7539
#7539 "Et dicas ad illum, Ita dixit Jehovah Deus Hebraeorum": quod significet mandatum a Domino, qui Deus Ecclesiae, constat ex significatione "dicere," cum 1 a Jehovah seu Domino ad illos qui in malis sunt et infestant, quod sit mandatum, ut n. 7036, 7310; ex significatione "Hebraeorum" quod sint 2 ab Ecclesia, ita Ecclesia, de qua n. 6675, 6684, 6738; quod "Jehovah" ubi nominatur in Verbo, sit Dominus qui intelligitur, videatur n. 1343, 1736, 2921, 3023, 3035, (x)5041, 5663, 6280, (t)6281, 6303, 6905, 6945, 6956; ita "Jehovah Deus Hebraeorum" est Dominus qui Deus Ecclesiae. @1 i est$ @2 i qui$
Arcana Coelestia 6
Passage 7540
#7540 "Dimitte populum Meum, et serviant Mihi": quod significet ut relinquant illos qui ab Ecclesia spirituali, ut colant Dominum Deum suum, videatur supra n. 7500, ubi similia verba.
Arcana Coelestia 6
Passage 7541
#7541 "Quia vice hac Ego mittens omnes plagas Meas": quod significet quod fieri posset ut omnia mala ventura in illos simul irruerent, constat ex significatione "plagarum" quod sint mala, hic mala ventura usque dum in infernum prorsus conjicerentur, quare dicitur "omnes plagae"; et ex significatione "mittere" quod sit irruere, plagae enim seu mala non a Jehovah seu Domino immittuntur, sed ab ipso mala irruunt; malum enim in altera vita poenam secum fert, et illam quasi in se habet, n. 696, 1967, 1857, 6559; inde est quod per "Ego mittens omnes plagas Meas" significetur quod omnia mala 2 in illos irruerent. 2 Secundum ordinem est ut una plaga sequatur alteram, et mali sic successive in infernum dejiciantur, quare dicitur hic quod fieri posset ut simul irruerent. Homo Ecclesiae, quia nullam cognitionem de statu vitae post mortem habet, credit quod homo post vitam in corpore, ilico vel in caelum elevetur vel in infernum conjiciatur, cum tamen hoc fit successive, tametsi hoc fit cum multa varietate quoad tempora et quoad status; apud bonos 3, qui elevandi in caelum, separatur successive malum, et illi implentur 4 bonis secundum facultatem recipiendi acquisitam in mundo; et apud malos, qui conjiciendi in infernum, separatur successive bonum, et illi implentur successive malis, secundum facultatem recipiendi acquisitam in mundo. 5 Praeterea homo in altera vita 6 intrat novos status et subit mutationes; illi qui in caelum elevantur, et postea cum elevati sunt, perficiuntur in aeternum; qui autem in infernum conjiciuntur, et postea cum conjecti sunt, sustinent mala continue graviora, et hoc usque dum non 7 audent alicui malum inferre; ac postea in inferno manent in aeternum; 8 inde eximi nequeunt, quia alicui bonum velle non illis dari potest, solum non alicui malum facere ex timore poenae, remanente semper cupidine. @1 697 I$ @2 i ventura$ @3 i enim$ @4 i successive$ @5 i Et$ @6 i continue$ @7 i amplius$ @8 i nam$
Arcana Coelestia 6
Passage 7542
#7542 "In cor tuum": quod significet in intimum, constat ex significatione "cordis" quod sit id quod voluntatis est, ita quod amoris, de qua n. 2930, 3313, 3888, 3889, consequenter quod ipsius vitae est, nam amor, 1quia est voluntatis, facit ipsam vitam; inde est quod per "cor" significetur intimum; intimum apud bonos est amor in Dominum et amor erga proximum, intimum autem apud malos est amor sui et amor mundi; hoc intimum est quod hic intelligitur; quae circum intimum sunt, ac peripherias quasi constituunt, sunt mala cum falsis quae favent; et haec eo ordine disposita sunt, quo favent. In altera vita evolvuntur haec secundum ordinem quo disposita sunt, primum prodeunt illa quae ultimas peripherias tenent, postea quae interiores, et tandem manifestatur intimum; inde est quod 2homo in altera vita percurrat plures status, et quod mali per gradus successive incurrant plagas, antequam conjiciuntur in infernum, secundum illa quae mox supra 3 dicta sunt; intimum, ad quod demum perveniunt, est ipsum infernum apud illos, nam est ipsum malum quod fuerat amoris illorum, ita finis propter quem omnia egerant et quem in mundo intime recondiderant. @1 qui$ @2 percurrant$ @3 i n. 7541$
Arcana Coelestia 6
Passage 7543
#7543 "In servos tuos, et in populum tuum": quod significet in omnia et singula, constat ex significatione "servorum et populi" quod sint omnes et singuli, 1ita omnia et singula, de qua n. 7396. @1 seu$
Arcana Coelestia 6
Passage 7544
#7544 ["Propterea] ut scias quod nullus sicut Ego in tota terra": quod significet eis notum inde quod Dominus solus Deus, constat ex illis supra n. 7401.
Arcana Coelestia 6
Passage 7545
#7545 "Quia nunc mitterem manum Meam": quod significet quod communicatio adimi posset, constat ex significatione "manus" quod sit potentia, de qua n. 4931-4937, 6292, 6947, 7188, 7189, 7518; et quod "manus Jehovae" sit omnipotentia, n. 878, 3387, 7518; inde "mittere manum" est ostendere potentiam, 1et ex omnipotentia id facere; omnipotentia illa describitur per quod "mittere posset omnes plagas in cor ejus, in servos ejus, et in populum ejus," per quae significatur quod omnia mala simul irruerent, et sic quod communicatio adimeretur cum illis quae caeli sunt; hoc 2 (x)potentiae est quod hic per illa verba significatur. Quomodo cum communicatione hac se habet, prius dictum est: quod nempe illi qui probos in altera vita infestant sint qui in mundo in Ecclesia fuerunt, ac legerunt Verbum, et sciverunt doctrinalia fidei Ecclesiae suae, et quoque professi illa, sed vixerunt vitam mali; illi in altera vita, quamdiu retinent illa quae fidei sunt, communicationem habent cum caelo, et tamdiu non possunt dejici in infernum; 3quapropter illa sunt quae per gradus illis auferuntur; quae cum ablata sunt, non amplius habent quod elevatos illos teneat; sed tunc sicut pondera absque sustentaculis, vel sicut aves abscissis alis deorsum seu in profundum decidunt; ex his patet quid intelligitur per quod communicatio illis adimi posset. @1 potentia quae ostendi posset$ @2 i itaque$ @3 quare$
Arcana Coelestia 6
Passage 7546
#7546 "Et percuterem te et" populum tuum peste": quod significet ita devastationem totalem, constat ex significatione "pestis" quod sit vastatio boni et veri, de qua n. 7505, hic devastatio totalis, quia dicitur quod "Pharao et populus ejus illa (x)percuterentur"; prius autem in (x)vers. 3 quod pecus; inde ibi per "pestem" non significatur devastatio totalis sed vastatio in communi quoad illa quae sunt veri et boni Ecclesiae, et quae extra sunt.
Arcana Coelestia 6
Passage 7547
#7547 "Et exscindereris e terra": quod significet quod sic non communicatio amplius per illa quae Ecclesiae, constat ex significatione "exscindi" cum dicitur de illis quae sunt Ecclesiae, quod sit separari, 1et cum separantur seu cum nulla amplius 2communicatio per illa quae Ecclesiae sunt cum caelo, tunc homo ille cadit in infernum, quod est exscindi, videatur supra n. 7545; et a significatione "terrae" quod sit Ecclesia, de qua n. 662, 1067, 1262, 1733, 1850, 2117, 2118 fin., 2571, 2928, 3355, 4535, 4447, 5577. @1 proinde quod$ @2 cum illis communicatio$
Arcana Coelestia 6
Passage 7548
#7548 "Verum tamen propter hoc stare feci te": quod significet quod adhuc permaneret communicatio, et percurrerent status ex ordine, constat ex significatione "stare facere" cum dicitur de plagis seu malis, quod non simul irruerent, n. 7541, et de communicatione cum caelo, quod illis non adimeretur, n. 7545, quod sit quod adhuc permaneret communicatio, proinde quod percurrerent status ex ordine, hoc est, quod per gradus successive devastarentur, n. 7541.
Arcana Coelestia 6
Passage 7549
#7549 "Propter videre te virtutem Meam": quod significet ut appercipiant quanta est potentia Divina, constat absque explicatione.
Arcana Coelestia 6
Passage 7550
#7550 "Et propterea ut narretur nomen Meum in tota terra": quod significet quod sic agnoscatur Dominus pro solo Deo ubi Ecclesia, constat ex significatione "nominis" quod sit omne in uno complexu quo colitur Dominus, de qua n. 2724, 3006, 6674; et quia essentialissimum cultus est agnitio quod Dominus sit solus Deus, et quod Humanum Ipsius sit Divinum, et quod ex Eo omne fidei et amoris procedat, 1idcirco per "narrari nomen Jehovae" significatur quod agnoscendus Dominus pro solo Deo; quod Divinum Humanum Domini sit nomen Jehovae, videatur n. 2628, 6887; et ex significatione "terrae" quod sit Ecclesia, de qua mox supra n. 7547. Quod Jehovah seu Dominus hic et 2in pluribus aliis locis velit ut appareat 3Ipsius virtus (c)et potentia, utque narretur (t)Ipsius nomen; ac alibi, ut humiliter colatur et adoretur, videtur sicut velit ostentare gloriam Suam, ac sicut amet adorationem propter Se; sed hoc prorsus aliter se habet non est propter Se sed propter humanum genus, non ex gloria Sui sed ex amore, vult enim conjungi humano generi, ac ipsi vitam ac felicitatem aeternam dare; et hoc fieri non potest nisi homo in cultu humili sit; et cultus humilis non datur nisi homo agnoscat et credat quod ipse sit pulvis et cinis, hoc est, non nisi quam malum, ac quod Jehovah seu Dominus sit Maximus et Sanctissimus, et quod accedere ad Ipsum non ausit ex se; cum homo in tali cultu humili est, tunc Dominus cum vita amoris Sui influere potest ac dare caelum et felicitatem aeternam; haec causa est quod Jehovah seu Dominus in tantum extollat potentiam et gloriam Suam in Verbo. @1 inde$ @2 After aliis$ @3 After potentia$
Arcana Coelestia 6
Passage 7551
#7551 "Adhuc tu extollis te in populum Meum": quod significet quia nondum desistit infestare illos qui in vero et bono, constat ex significatione "adhuc se extollere" quod sit nondum desistere infestare; nam qui infestant credunt se dominari super illos qui infestantur, cum vident illos in angore et nondum liberatos, 1tum se admonitos; et ex repraesentatione "filiorum Israelis," qui hic sunt "populus Meus," quod sint qui ab Ecclesia spirituali, seu quod idem, qui in vero et bono, de qua n. 4286, 6426, 6637, 6862, 6868, 7035, 7062, 7198, 7201, 7215, 7223. @1 et$
Arcana Coelestia 6
Passage 7552
#7552 "Quo minus dimittas illos": quod significet et non adhuc relinquit, constat ex significatione "dimittere" quod sit relinquere, ut prius aliquoties.
Arcana Coelestia 6
Passage 7553
#7553 (x)Ecce" Ego facio pluere juxta tempus crastinum grandinem gravem valde": quod significet falsa destruentia omnia Ecclesiae apud illos, constat ex significatione "pluviae grandinis" quod sint falsa ex malo destruentia vera et bona fidei, ita quae sunt Ecclesiae; quod "pluvia grandinis" illa significet, est quia sicut lapides sunt, ac destruunt tam homines quam bestias, tum proventus agri, 1et quoque quia frigora sunt; "pluvia" 2 in genere significat benedictionem, et in sensu opposito maledictionem, n. 2445; cum benedictionem, significat influxum et receptionem veri quod fidei et boni quod charitatis 3, nam id est benedictio, cum autem maledictionem, significat falsum quod contra verum fidei est et malum quod contra bonum charitatis, nam haec sunt maledictio; "pluvia" autem "grandinis" in genere significat maledictionem quae est falsi ex malo, et quidem falsi ex malo contra vera et bona Ecclesiae. 2 Haec significat pluvia grandinis in sequentibus locis: apud Ezechielem, Disceptabo cum Gogo, peste et sanguine; et pluviam in undantem, et lapides grandinis, ignem et sulfur pluere faciam super illum, et super alas ejus, et super populos multos qui cum illo, xxxviii 22; "Gogus" pro cultu externo separato ab interno, ita pro illis qui in externis ponunt omne cultus Divini, exstincta charitate; "lapides grandinis" pro falsis ex malo: apud eundem, 3 Sit manus Mea contra prophetas videntes vanitatem et divinantes mendacium; dic ad incrustantes ineptum, quod cadet; fiet pluvia inundans, qua vos lapides grandinis cadent, et ventus procellarum perrumpet, xiii 9, 11; "prophetae videntes vanitatem et divinantes mendacium" pro illis qui docent mala et falsa; "incrustantes ineptum" pro quod falsa 4fingant, et sicut verisimilia faciant; qui vocantur "lapides grandinis" a falsis; sed "grando" hic et in supra allegato loco in lingua originali 4 alia voce exprimitur quae significat grandinem magnam: apud Esaiam, Tunc audiri faciet Jehovah gloriam vocis Suae, et quietem brachium Ipsius videbit, in indignatione irae, et flamma ignis comedentis, dispersione et inundatione, et lapide grandinis, xxx 30, 31; "lapis grandinis" pro vastatione veri per falsa: apud eundem, Ecce fortis et robustus est Dominus, sicut inundatio grandinis, procella caedis, sicut inundatio aquarum validarum inundantium dejiciet in terram manu; evertet grando refugium mendacii, et latibulum 5aquarum inundabunt, (x)xxviii 2, 17; "inundatio" pro immersione in falsa, et sic pro vastatione veri, n. 705, 739, 790, 5725, (x)6853; "inundatio grandinis" pro destructione veri per falsa: apud Davidem, Percussit grandine vitem illorum, et sycomora illorum grandine gravi; et conclusit grandini bestiam illorum, et pecora illorum prunis, misit in illos excandescentiam irae Suae, Ps. lxxviii 47-49: 5 apud eundem, Dedit pluvias illorum grandinem, ignem flammeum in terra illorum, et percussit vitem illorum et ficum illorum, et confregit arborem termini illorum, Ps. cv 32, 33; "grando et pluvia 6 "pro vastatione veri et boni per falsa ex malo; "vitis" pro vero et bono Ecclesiae internae; "sycomora et ficus" pro 7veris et bonis Ecclesiae externae: apud eundem, Qui dat nivem sicut lanam, pruinam sicut pulverem spargit, qui projicit grandinem Suam sicut bolos, coram frigore illius quis consistet? Ps. cxlvii 16, 17; "grando" pro falsis ex malis: apud eundem, Posuit tenebras latibulum Suum, circuitus Suos tentorium Suum, tenebrae aquarum, nubes caelorum; a splendore ante Ipsum, nubes transiverunt, grandine et prunis ignis; tonavit in caelis Jehovah, et Altissimus dedit vocem Suam, grandinem et prunas ignis, ita ut miserit tela 8 et disperserit illos, Ps. xviii 12-15 [A.V. 11-14]; "grando" pro falsis ex malis quae vastant vera et bona 9: apud 6 Johannem, Primus angelus clanxit, et facta est grando et Ignis mixtus sanguine, et cecidit super terram, ita ut tertia pars arborum combusta sit, et omne gramen viride exustum, Apoc. viii 7; "grando" pro falsis ex malo; "ignis mixtus sanguine" pro malo cupiditatum 10cum falsificatis veris; "arbores quae combustae" pro cognitionibus veri a malo cupiditatum deperditis; "gramen viride quod exustum pro scientificis veri similiter deperditis; quod "ignis" sit malum cupiditatum, videatur n. 1297, 1861, 2446, 5071, 5215, 6314, 6832, 7324; quod "sanguis" sit falsificatum verum, n. 4735, (x)6978, 7317, 7326; "arbores" quod sint cognitiones, n. 2722 fin., 2972 apud Joschuam, 7 Factum est, cum fugerent coram Israele illi in descensu Bethchoronis, quando Jehovah projecit super illos lapides magnos e caelis, usque ad Asekam, ut morerentur; plures qui mortui sunt lapidibus grandinis quam quos occiderunt filii Israelis gladio, x 11; ibi de quinque regibus qui contra Gibeonem; per reges illos et per populum illorum repraesentati sunt qui in falsis ex malis, inde "lapidibus grandinis" mortui sunt; grandinis boli dicuntur lapides, quia "lapides" etiam significant falsa. (m)Ex his patet quid per "grandinem et pluviam grandinis" significatur, quod nempe falsa ex malis, et quia haec, etiam significatur vastatio veri et boni, nam per falsa ex malis fit illa vastatio.(n) @1 tum$ @2 i enim$ @3 i a Domino$ @4 quae fingunt$ @5 aquae$ @6 i grandinis$ @7 veris et bonis altered to vero et bono$ @8 i sua$ @9 i fidei$ @10 *** cum falsificato vero$
Arcana Coelestia 6
Passage 7554
#7554 "Quae non sicut illa in Aegypto a die fundata illa et usque ad nunc": quod significet quod talis destructio non apud alios in mente naturali, constat ex significatione "pluviae grandinis," de qua haec dicuntur, quod sit destructio veri per falsa, de qua mox supra n. 7553; ex significatione "terrae Aegypti" quod sit mens naturali, de qua n. 5276, 5278, 5280, 5288, 5301; quod 1"a die fundata illa et usque ad nunc" sit quod apud alios non talis, est quia "dies" significat statum, ac "fundatio" quale ejus, et "Aegyptus" mentem naturalem in genere. Quod talis destructio non apud alios sit, qualis apud illos qui probos infestant in altera vita, est quia illi qui infestant in mundo ab Ecclesia fuerunt, n. 7317, 7502; illi 2qui memoriam 3, quae est mentis naturalis, impleverunt talibus quae sunt fidei ex Verbo, et ex doctrina Ecclesiae suae, et tamen vixerunt contra illa, quare cum vastantur illi, 4 tunc ea quae sunt fidei eruuntur, et simul perplura illis adhaerentia, inde lacunae et scrobes profundae et foedae; mala cupiditatum non possunt (x)quin etiam aliquo modo adjuncta sint, et quoque falsa; illa et haec quia non simul possunt esse, patet, si non separari possunt, quod ad terminos ejiciantur, unde vacuitates intus quae graviter olent, omnis enim graveolentia est ex malis mixtis cum bonis, et ex falsis mixtis cum veris; 5haec non fiunt apud illos qui extra Ecclesiam 6sunt, nam nihil de veris fidei ex Verbo sciverunt. Hoc significatur per quod talis destructio non apud alio in mente naturali sit. @1 in$ @2 quia$ @3 i suam$ @4 A has a long marginal note with no indication of where to insert it; it resembles the contents of this paragraph from tunc ea quae sunt fidei to mixtis cum veris, and reads as follows: tunc ea quae sunt fidei eruuntur, et una perplura illis adhaerentia, inde lacunae et scrobes profundae et foedae, mala enim cupiditatum non possunt quin illis adjuncta sint, et quoque falsa illa et haec quia non simul possunt esse, patet quod non separari queant ad terminos ejiciantur, inde lacunae vacuitates intus quae foede olent; graveolentia non aliunde est quam ex bonis mixtis cum malis et veris cum falsis quae sunt fidei ex memoria, ubi quoque illis adjuncta sunt mala cupiditatum, eruuntur, tunc ibi quasi lacunas et scrobes profundas et foedas relinquunt$ @5 quod non fit$ @6 d sunt i fuerunt, et$
Arcana Coelestia 6
Passage 7555
#7555 Vers. 19-21. Et nunc mitte, congrega pecus tuum, et omne quod tibi in agro; omnis homo et bestia quae invenietur in agro, et non colligetur domum, et descendet super illa grando, et morientur. Et timens verbum Jehovae e servis Pharaonis, fugere fecit servos suos et pecus suum ad domos. Et qui non posuit cor suum ad verbum Jehovae, et reliquit servos suos et pecus suum in agro. "Et nunc mitte, congrega pecus tuum" significat quod 1verum boni colligendum: "et omne quod tibi in agro" significat quod Ecclesiae: "omnis homo et bestia" significat bonum interius et exterius: "quae invenitur in agro" significat quod Ecclesiae: "et non colligetur domum" significat quod non reservatur: "et descendet super illa grando, et morientur" significat quod a falso prorsus destruetur: "et timens verbum Jehovae e servis Pharaonis" significat illa in mente naturali quae Domini erant: "fugere fecit servos suos et pecus suum ad domos" significat quod recondita et reservata sint in interioribus: "et qui non posuit cor suum ad verbum Jehovae" significat quae non a Domino: "et reliquit servos suos et pecus suum in agro" significat quod non recondita et reservata sint.2 @1 bonum veri cp n. 7556$ @2 i (quod destructa sint)$
Arcana Coelestia 6
Passage 7556
#7556 "Et nunc mitte, congrega pecus tuum": quod significet quod 1verum boni colligendum, constat ex significatione "congregare" quod sit colligere; et ex significatione "pecoris" quod sit bonum veri, et quoque verum boni, de qua n. 6016, 6045; quid verum boni et bonum veri, videatur n. 2063, 3295, 3332, 3669, 3688, 3882, 4337, 4353, 4390, 5526, 5733. Agitur in hoc versu et in binis sequentibus de bono 2et vero, 3quae reservantur a Domino, etiam apud malos; bonum enim et verum, quae non adjuncta sunt malis et falsis, 4illa non vastantur, sed a Domino reconduntur in interioribus 5, et postmodum ad usum depromuntur; reservatio 6boni et veri apud hominem a Domino significatur per "reliquias" in Verbo, de quibus videatur n. 468, 530, 560, 561, 576, 661, 798, 1738, 1906, 2284, 5135, 5342, 5344, 5897-5899, 6156. @1 bonum veri altered to verum boni cp n 7555$ @2 ex$ @3 quod reservatur$ @4 et ideo vastantur illa$ @5 i eorum$ @6 hujus boni$
Arcana Coelestia 6
Passage 7557
#7557 "Et omne quod tibi in agro": quod significet quod Ecclesiae, constat ex significatione "agri" quod sit Ecclesia, de qua n. 2971, 3317, 3766, 4440, 4443, (x)7502.
Arcana Coelestia 6
Passage 7558
#7558 "Omnis homo et bestia": quod significet bonum interius et exterius, constat ex significatione "hominis et bestiae" quod sit bonum interius et exterius, de qua supra n. 7424, 7523.
Arcana Coelestia 6
Passage 7559
#7559 "Quae invenitur in agro": quod significet quod Ecclesiae, constat ex significatione "agri" quod sit Ecclesia, de qua mox supra n. 7557.
Arcana Coelestia 6
Passage 7560
#7560 "Et non colligetur domum": quod significet quod non reservatur, constat ex significatione "non colligi domum" quod sit non reservari, "domus" enim est mens interior naturalis ubi bonum 1cum vero, tum quoque est mens rationalis, ac ita ipse homo, de qua n. 3538, 4973, 5023, 7353; inde "colligi domum" est colligi 2intro et ibi recondi. Quod bonum et verum recondantur intus, et 3ibi reserventur a Domino, etiam apud malos, est ut usque aliquid humani residuum sit; homo enim absque illis non est homo, 4quae enim reconduntur et reservantur sunt bonum et verum; per haec communicatio est cum caelo; et quantum communicationis homo habet cum caelo, tantum est homo; est quidem communicatio malorum, 5etiam qui in inferno sunt cum caelo, sed non aliqua conjunctio per bonum et verum, nam ilico ut bonum et verum defluunt e caelo, et veniunt in infernum, vertuntur illa in malum et falsum, inde actutum dirumpitur conjunctio; talis communicatio est; at per bonum et verum quae reconduntur et reservantur in interioribus est conjunctio; sed 6vera et bona ibi apud malos non plus efficiunt quam ut possint ratiocinari et ex sensuali cogitare et inde loqui et sic confirmare falsum et defendere malum; plus non ex 7bonis et veris apud illos reconditis et reservatis (x)emitti potest, nam si plus emitteretur, 8perirent vera et bona, et sic nihil humani illis superesset. @1 et verum$ @2 intus$ @3 sic$ @4 id enim quod reconditur et reservatur est$ @5 After inferno$ @6 bona et vera illa$ @7 recondito illorum et reservato$ @8 periret verum et bonum$
Arcana Coelestia 6
Passage 7561
#7561 "Et descendet super illa grando, et morientur": quod significet quod a falso prorsus destruetur, nempe quod Ecclesiae est, constat ex significatione "grandinis" quod sit falsum ex malo, ac inde vastatio boni (c)et veri per falsa, de qua n. 7553; et ex significatione "mori" quod sit cessare esse, de qua n. 494, 6587, 6593, et quia de boni et veri vastatione dicitur, est destrui.
Arcana Coelestia 6
Passage 7562
#7562 "Et timens verbum Jehovae e servis Pharaonis": quod significet illa in mente naturali quae Domini erant, constat ex significatione "timens verbum Jehovae" quod sint illa quae Domini sunt; per "timentem" enim in sensu interno non intelligitur persona timens, sed res; quod in caelo idea personae vertatur in ideam rei, videatur n. 5225, 5287, 5434, idcirco per "timens verbum Jehovae" intelligitur bonum et verum quae a Domino 1; et ex significatione "servorum Pharaonis" quod sint illa quae mentis naturalis sunt; quod "Pharao" sit naturale in communi, videatur n. (x)5160, 5799, inde "servi ejus" sunt quae in naturali, seu quod idem, quae in mente naturali sunt; nam 2 quae in naturali sunt, ex quibus cogitat et concludit homo, constituunt mentem ejus. Quae, in mente naturali, Domini sunt et non Domini sunt, videatur (m)infra n. 7564.(n) @1 i, illa sunt res quae per timentem verbum Jehovae significantur$ @2 i illa$
Arcana Coelestia 6
Passage 7563
#7563 "Fugere fecit servos suos et pecus suum ad domos": quod significet quod recondita et reservata sint in interioribus, constat ex significatione "servorum" quod sint illa quae in mente naturali, ut mox supra n. 7562; ex significatione "pecoris" quod sit verum et bonum, de qua etiam supra n. 7556; et ex significatione "domuum" quod sint quae intus in homine, ubi bonum et 1verum a Domino reconduntur et reservantur, de qua n. 7560; inde patet quod per "fugere fecit servos suos et pecus suum ad domos" significetur quod vera et bona quae in mente naturali, illa nempe quae Domini sunt, collecta sint ac recondita et reservata in interioribus. @1 verum altered to vera$
Arcana Coelestia 6
Passage 7564
#7564 "Et qui non posuit cor [suum] ad verbum Jehovae": quod significet quae non a Domino, constat ex illis quae supra n. 7562 explicata sunt, ubi "timens verbum Jehovae" significat quae Domini erant; inde 1vicissim "qui non posuit cor ad verbum Jehovae" 2significat quae non a Domino. Bona et vera sunt vel Domini vel non Domini; quae Domini sunt illa quae homo facit propter proximum, propter patriam, propter Ecclesiam, propter regnum Domini, ita propter ipsum verum et bonum, et imprimis propter Dominum; haec bona et vera sunt quae Domini; at 3vera et bona quae non Domini sunt quae homo facit propter se ut finem, et propter mundum ut finem; haec quandoque apparent in externa forma sicut illa, sed in interna prorsus differunt; nam haec ducunt ad se, illa vero a se; 4vera et bona quae non Domini 5 sunt quoque quoad plurem partem quae homo facit in statu infortunii, aegritudinis, doloris, et timoris, et non in statu libero, nam 6haec sunt quoque propter se; omnia quidem vera et bona influunt a Domino, sed quando bona et vera Domini flectuntur apud hominem ad se, tunc fiunt illa hominis, et ejus propria ad quem flectuntur, nam fiunt bona amoris sui 7et mundi; 8talia bona sunt omnium malorum inter se;(n) ex his patet quae bona et vera 9intelliguntur per bona et vera Domini et per bona et vera quae non Domini. @1 est quod$ @2 sint$ @3 bona et vera$ @4 et quoque bona et vera$ @5 i sunt,$ @6 d haec i ea$ @7 aut amoris$ @8 avertuntur sic a Domino ad hominem et fiunt propria ejus ad quem vertuntur$ @9 intelligantur$
Arcana Coelestia 6
Passage 7565
#7565 "Et reliquit servos suos et pecus suum in agro": quod significet quod non recondita et reservata sint, constat ex significatione "relinqui in agro" quod sit perire a falsis e malis, quae significantur per "grandinem ex qua 1morerentur," n. 7559-7561; haec sunt quae non recondita et reservata sunt, et sunt illa vera et bona quae non Domini sunt, de quibus mox supra n. 7564; per "servos" significantur 2illi qui in mente naturali, n. 7562, 7563, et per "pecus" vera et bona quae quia non Domini sunt, in interioribus non recondi possunt. @1 morientur$ @2 malis cupiditatum$
Arcana Coelestia 6
Passage 7566
#7566 Vers. 22-26. Et dixit Jehovah ad Moschen, Extende manum tuam versus caelum, et erit grando in omni terra Aegypti super hominem et super bestiam, et super omnem herbam agri in terra Aegypti. Et extendit Moscheh baculum suum ad caelum, et Jehovah dedit voces et grandinem, et ambulavit ignis ad terram, et pluere fecit Jehovah grandinem super terram Aegypti. Et fuit grando, et ignis simul ambulans in medio grandinis, gravis valde, quae non fuerat sicut illa in omni terra Aegypti, a quo fuit in gentem. Et (x)percussit grando in omni terra Aegypti omne quod in agro, ab homine et usque ad bestiam, et omnem herbam agri percussit grando, et omnem arborem agri confregit. Tantum in terra Goschen, ubi filii Israelis, non fuit grando. "Et dixit Jehovah ad Moschen" significat mandatum: "Extende manum tuam versus caelum" significat advertentiam et appropinquationem caeli: "et erit grando in omni terra Aegypti" significat falsum destruens in mente naturali: "super hominem et super bestiam" significat bonum interius et exterius: et super omnem herbam agri in terra Aegypti" significat omne verum Ecclesiae in mente naturali: "et extendit Moscheh baculum suum ad caelum" significat communicationem cum caelo: "et Jehovah dedit voces" significat recessionem et separationem communicationis cum illis qui in bono et vero: "et grandinem" significat falsa destruentia illa: "et ambulavit ignis ad terram" significat mala cupiditatum: "et pluere fecit grandinem super terram Aegypti" significat sic mentem naturalem a falsis mali occupatam: "et fuit grando, et ignis simul ambulans in medio grandinis, gravis valde" significat falsi persuasiones una cum 1mali cupiditatibus: "quae non fuerat sicut illa in omni terra Aegypti" significat quod talis status mentis naturalis non aliis: "a quo fuit in gentem" significat a die quo facta sit ut admittere" bonum et inde verum posset: "et percussit grando in omni terra Aegypti" significat quod falsum illud destruxerit illa quae in mente naturali: "omne quod in agro" significat quicquid Ecclesiae esset: "ab homine et usque ad bestiam" significat bonum ejus interius et exterius: "et omnem herbam agri percussit grando" significat quod omne verum Ecclesiae destruxerint falsa illa: "et omnem arborem agri confregit" significat quod etiam omnes cognitiones veri et boni Ecclesiae: "tantum in terra Goschen, ubi filii Israelis, non fuit grando" significat quod non ubi illi qui ab Ecclesia spirituali. @1 malis cupiditatum$
Arcana Coelestia 6
Passage 7567
#7567 "Et dixit Jehovah ad Moschen": quod significet mandatum, constat ex significatione "dicere" quod sit mandatum, de qua n. 7036, (x)7107, 7310.
Arcana Coelestia 6
Passage 7568
#7568 "Extende manum tuam versus caelum": quod significet advertentiam et appropinquationem caeli, constat ex significatione "extendere manum" quod sit advertere, nam per extensionem manus advertitur et ostenditur; et ex significatione "caeli" quod sit caelum angelicum; et quia cum caelum advertitur et ei ostenditur, etiam illuc intendit visum et cogitationem, inde etiam significatur appropinquatio, nam omnis appropinquatio in mundo spirituali fit per determinationem cogitationis; haec quomodo se habent, quidem prius n. 7519 dictum est; sed quia talia sunt quae in mundo ignota sunt, paucis adhuc 1illustrare licet: quando aliqua (t)mutatio status fiet apud malos qui vastandi, sicut apud hos de quibus in his capitibus, tunc fit illa mutatio per praesentiorem influxum boni (c)et veri e caelo; quo enim propius ad illos accedit caelum, eo magis interiora mala et falsa apud illos excitantur; nam bonum et verum e caelo penetrant versus interiora, et eo penitius, quo propinquius; inde est quod infernales non ausint prope accedere ad aliquam societatem caelestem, sed quod recedant quantum possunt, videatur n. 4225, 4226, 4299, 4533, 4674, 5057, 5058, 7519. Ex his nunc patet quid intelligitur per advertentiam et appropinquationem caeli, quae significantur per quod "Moscheh extenderet manum versus caelum"; novus enim status, nunc describitur, nempe status falsorum ex malis destruentium omnia bona et vera Ecclesiae apud illos qui infestant; qui status, quia existit per praesentiorem influxum veri a Divino, et simul per accessionem caeli, ideo dicitur ad Moschen quod "extenderet manum versus caelum." @1 illa illustranda sunt$
Arcana Coelestia 6
Passage 7569
#7569 "Et erit grando in omni terra Aegypti": quod significet falsum destruens in mente naturali, constat ex significatione "grandinis" quod sit falsum ex malis destruens, nempe omne bonum et verum Ecclesiae, de qua n. 7553, et ex significatione "terrae Aegypti" quod sit mens naturalis, de qua n. 5276, 5278, 5280, 5288, 5301.
Arcana Coelestia 6
Passage 7570
#7570 "Super hominem et super bestiam": quod sit bonum interius et exterius, constat ex significatione "hominis et bestiae" quod sit bonum interius et exterius, de qua n. 7424, 7523 (x).
Arcana Coelestia 6
Passage 7571
#7571 "Et super omnem herbam agri in terra Aegypti": quod significet omne verum Ecclesiae in mente naturali, constat ex significatione "herbae" quod sit verum, de qua sequitur; ex significatione "agri" quod sit Ecclesia, de qua supra n. 7557; et ex significatione "terrae Aegypti" quod sit mens naturalis, de qua etiam supra n. 7569. Quod "herba" significet verum, est quia "terra" significat Ecclesiam, tum quoque "ager"; omnis proventus inde significat vel verum quod fidei vel bonum quod charitatis, nam haec sunt Ecclesiae; per "herbam agri" intelligitur (d)omne in genere quod provenit ex agro, ut patet a parabola Domini apud Matthaeum, Simile factum est regnum caelorum homini seminanti bonum semen in agro suo, cum germinavit herba et fructum fecit, tunc apparuerunt zizania, xiii 24, 26; ibi "herba" pro proventu agri; quod per "herbam" ibi significetur verum Ecclesiae, et per "zizania" falsum, patet; est quidem comparatio, sed omnes comparationes in Verbo sunt ex significativis, n. 3579 apud Davidem, Qui germinare facit gramen bestiae, et herbam in ministerium hominis, ad educendum panem e terra, Ps. civ 14; hic quoque "herba" pro proventu agri, et per illam in sensu interno ibi significatur verum: apud eundem, 2 In pascuis herbae cubare faciet me, ad aquas quietum deducet me, animam meam recreabit, Ps. xxiii 2 [,3]; "pascua herbae" pro nutricione spirituali, quae est animae, quare dicitur "animam meam recreabit": apud Esaiam, Aquae Nimrim desolationes erunt, eo quod exaruit gramen, consumpta est herba, viride non est, 1[xv 6: apud eundem, Habitatores facti sunt herba agri, et olus graminis, faenum tectorum, et arvum adustum ante segetem stantem,] xxxvii 27: apud eundem, Vastabo montes et colles et omnem herbam eorum arefaciam, et ponam fluvios in insulas; 2 et ducam caecos in via quam non noverunt, xiii 15 [,16]: apud Jeremiam, Quousque lugebit terra, et herba omnis agri exarescet; propter malitiam habitantium in ea consumentur bestiae et avis, xii 4: apud eandem, Cerva in agro peperit, sed relinquendo, quia non fuit herba: et onagri steterunt super collibus, anhelarunt ventum sicut ceti, 3 eo quod non herba, xiv 5, 6: apud Joelem, Ne timete, bestiae agrorum Meorum, quia herbosa facta sunt habitacula deserti, quia arbor feret fructum suum, ficus atque vitis 4dabunt vim suam, ii 22: apud Amos, Quando locusta consumavit comedere herbam terrae, dixi, Domine Jehovih, condona quaeso, qualis stabit Jacob, cum parvus ille? vii 2: apud Sachariam, 3 Petite a Jehovah pluviam in tempore serotinam; Jehovah faciet nimbos, et pluviam imbris dabit illis, viro herbam in agro, x 1: apud Johannem, Quintus angelus clanxit et dictum ut damno non afficerent gramen terrae, neque ullum viride, neque ullam arborem, Apoc. ix 4. Quisque videre potest quod in his locis non "gramen" nec "herba" intelligantur, sed pro illis talia quae Ecclesiae sunt; quod per "herbam terrae" et "herbam agri" intelligatur verum quod fidei, patet. Absque sensu tali spirituali nusquam aliquas sciret quid sit apud Johannem, "quod dicerent, cum quintus angelus clanxit, quod non damno afficerent gramen terrae, nec ullum viride"; nec aliquis sciret quid sit 5quod apud Jeremiam, "cerva in agro peperit, et relinquendo quia non fuit herba; et 6onagri anhelarant ventum sicut ceti, 7 eo quod non herba; ita nec quid 8alibi pluries. Inde patet quam parum intelligitur Verbum, et quam terrestris idea de perpluribus ibi haberetur, nisi sciatur 9quid significant, ad minimum quod sanctum sit, quod singulis inest. @1 cp Sch$ @2 i et stagna exsiccabo,$ @3 i consumti sunt oculi illorum,$ @4 dabit I$ @5 After Jeremiam$ @6 quod onagri anhelarent$ @7 i consumtus oculus illorum$ @8 in reliquis locis$ @9 quod in sensu interno involvit ad minimum quod sanctum involvat$
Arcana Coelestia 6
Passage 7572
#7572 "Et extendit Moscheh baculum suum ad caelum": quod significet communicationem cum caelo, constat ex significatione "extendere baculum ad caelum" quod sit advertere, 1 ita communicare 2, secundum illa quae supra n. 7568 explicata sunt; (d)per "caelum" significatur caelum angelicum. @1 i ac$ @2 i cum coelo angelico$
Arcana Coelestia 6
Passage 7573
#7573 "Et Jehovah dedit voces": quod significet recessionem et separationem communicationis cum illis qui in bono et vero, constat a significatione "vocum" quae tonitruum, quod sint vera Divina quae illustrant et perficiunt illos qui in caelo, et quae terrificant et devastant illos qui in inferno; et quia (x)hos devastant, significant recessionem et separationem communicationis cum illis qui in bono et vero, nam sic devastantur; quomodo haec se habent, patet ab illis quae prius n. 7502, 7541, 7542, 7545, 7554, dicta sunt, quod nempe illi qui ab Ecclesia fuerunt, et inde cognitiones veri et boni ex Verbo hauserunt, sed vixerunt vitam mali, communicationem habeant cum caelo per vera et bona quae secum e mundo, cum fuerunt in Ecclesia, tulerunt (quod homo secum ferat in alteram vitam quicquid in mundo novit, immo quicquid vidit, audivit, cogitavit, locutus est, voluit, et egit, videatur n. 2474, 2475, 2481-2486, 7398); haec communicatio est quae aufertur cum devastantur; (m)et cum communicatio 1ablata est, tunc quoque vera et bona 2cum illorum cognitionibus sublata sunt; nam quicquid 3 sciunt spiritus, immo angeli, influit per caelum a Domino, ita per communicationes, videatur n. 6053-(x)6058, 6189-6215, 6307-6327, 6466-(x)6495, 4 (x)6613-6626 (n); ex his patet quid intelligitur per recessionem et separationem communicationis cum illis qui in 5vero et bono; (m)se habet cum vero Divino 6in caelo et in inferno, quod verum per "voces" significatur, sicut cum tonitribus in terra; tonitrua super altis montibus non audiuntur nisi modo sicut mitis 7et tacitus sonus, at vero infra ad terram 8audiuntur ut clangor terribilis; ita verum Divinum in caelo est (d)mite et clemens, in inferno autem est terribile.(n) 2 Quod "voces" quae tonitruum significent vera Divina, quae illustrant et perficiunt illos qui in caelo, et quae terrificant et devastant illos qui in inferno, patet ab his locis: apud Esaiam, Erit gaudium cordis, sicut incedentis cum fistula ad veniendum in montem Jehovae ad petram Israelis, tunc audiri faciet Jehovah gloriam vocis suae, et quietem brachium Ipsius videre faciet; in indignatione irae, et flamma ignis comedentis, dispersione, et inundatione, et lapide grandinis, nam a voce Jehovae consternabitur Aschur, xxx 30, 31; hic "vox Jehovae" pro vero Divino quod illustrat et perficit illos qui in bono, (c)ac terrificat (c)et devastat illos qui in malo: apud Joelem, Coram Ipso commota est terra, sol et luna atrati sunt, et stellae contraxerunt splendorem suum; et Jehovah edit vocem Suam coram exercitu Suo, magna valde castra Ipsius, quia innumerus, qui facit verbum Ipsius; quoniam magnus dies Jehovae, et terribilis valde, ii 10, 11; similiter: apud eundem, 3 Jehovah e Zione rugiet, et ex Hierosolyma dabit vocem Suam; et contremiscent caeli et terra; sed Jehovah refugium populo Suo, et munitio filiis Israelis, iv 16 [A.V. iii 16]; "vox Jehovae" pariter pro vero Divino; quod "ex Hierosolyma" est quia per illam significatur regnum spirituale Domini, in quo sunt illi qui in bono ex vero et in vero ex bono: apud Davidem, 4 Tonavit in caelis Jehovah, et Altissimus dedit vocem Suam, grandinem, et prunas ignis; ita ut miserit tela Sua, et disperserit illos, et fulmina multa, et conturbaverit illos, Ps. xviii 14, 15 [A.V. 13, 14]; "dare vocem, grandinem, et prunas ignis" pro devastatione veri et boni per falsa et mala cupiditatum: apud eundem, Stillarunt aquas nubes, vocem dederunt aetheres, etiam tela Tua iverunt, vox tonitru Tui in orbem, illustrarunt fulgura orbem, Ps. lxxvii 17-19 [A.V. 16-18]; "vox" pro vero Divino quod illustrat illos qui ab Ecclesia: apud 5 eundem, Vox Jehovae super aquis, Deus gloriae tonare facit, Jehovah super aquis magnis: vox Jehovae in virtute: vox Jehovae cum honore: vox Jehovae frangens cedros, confregit Jehovah cedros Libani: vox Jehovae incidens flammae ignis: vox Jehovae trepidare facit desertum: vox Jehovae parturire facit cervas, et denudat silvas, Ps. xxix 3-11; ibi "vox Jehovae" pro vero Divino ac illius potentia; ita quoque pro 6 Verbo, nam hoc est verum Divinum: apud Johannem, Angelus fortis descendens, clamavit voce magna; et cum clamavit, locuta sunt septem tonitrua voces suas; scripturus eram, sed audivi vocem e caelo dicentem mihi, Obsigna quae locuta septem tonitrua, et haec ne scribas, Apoc. x 3, 4; "voces" pro vero Divino, "tonitrua" pro vehentibus illud, et ferentibus e caelo 9in terram. Quod per "tonitrua et voces" significentur Divina, non tonitrua et 10sonitus, nemo non videre potest, et quia Divina significant ac "Jehovae voces" vocantur, patet quod sint Divinum Verum; inde erat cum Jehovah descendit super monte Sinai, ac Divinum Verum promulgavit, quod "essent voces, fulmina, et tonitrua," Exod. xix 16, xx 15; et quod "locutus sit e medio ignis," Deut. iv 11, 12, v 19-22. @1 adempta$ @2 et illorum cognitiones ademptae$ @3 i enim$ @4 i 6598-6126,$ @5 bono et vero$ @6 After significatur$ @7 seu$ @8 sicut$ @9 ad$ @10 clangor solum$
Arcana Coelestia 6
Passage 7574
#7574 "Et grandinem": quod significet falsa destruentia illa, constat ex significatione "grandinis" quod sint falsa ex malis destruentia bona et vera Ecclesiae, 1 n. 7553. (s)Per "grandinem" significantur talia falsa quae destruunt vera et bona Ecclesiae, ut quoque per "pestem" supra in hoc capite; sunt enim falsorum genera et species perplures, 2sicut malorum ex quibus sunt; falsa quae per "grandinem" significantur sunt illius generis quod destruant illa quae Ecclesiae sunt, et dari possunt solum apud illos qui in Ecclesia nati sunt et vixerunt contra vera et bona fidei ibi. Quod falsa sicut mala plurium generum et specierum (x)sint, constat ex eo quod inferna sint distincta secundum genera et species malorum (c)et inde falsorum, et quod inferna sint innumera. Ex his constare potest quomodo se habet cum eo quod per miracula seu plagas in Aegypto significentur falsa et mala, sicut per sanguinem, ranas, pediculos, volatilia noxia, pestem, ulcus pustularum, grandinem, locustam, quod nempe per unumquodvis aliud genus falsi ac mali.(s) @1 i de qua$ @2 ut quoque$
Arcana Coelestia 6
Passage 7575
#7575 "Et ambulavit ignis ad terram": quod significet mala cupiditatum, constat ex significatione "ignis" quod sint mala cupiditatum, de qua n. 1297, 1861, 2446, 5071, 5215, 6314, 6832, 7324; et ex significatione "ambulare ad terram" quod sit occupare mentem naturalem usque ad ima ejus; quod "terra Aegypti" sit mens naturalis, videatur n. 5276, 5278, 5280, 5288, 5301. Quia per "grandinem" significantur falsa 1, et per "ignem" mala ex quibus illa, idcirco ubi grando etiam ignis memoratur, apud Esaiam xxx 30, 31; Ps. xviii 12-15; Ps. lxxviii 47-49; Apoc. viii 7; et quoque in versu 2 sequente, "Et fuit grando, et ignis simul ambulans in medio grandinis, gravis valde." @1 i ex malis$
Arcana Coelestia 6
Passage 7576
#7576(m) "Et pluere fecit grandinem super terram Aegypti": quod significet sic mentem naturalem a falsis mali occupatam, constat ex significatione "pluere facere" quod sit infundere, hic occupari; "pluere" praedicatur de vero et bono, et in opposito sensu de falso et malo, nam "pluvia" est benedictio et est maledictio, n. 2445; ex significatione "grandinis" quod sit falsum mali, de qua n. 7553, 7574; et a significatione "terrae Aegypti" quod sit mens naturalis, ut supra n. 7575.(n)
Arcana Coelestia 6
Passage 7577
#7577 "Et fuit grando, et ignis simul ambulans in medio grandinis, gravis valde": quod significet falsi persuasiones una cum mali cupiditatibus, constat ex significatione "grandinis" quod sit falsum ex 1malo, de qua supra n. 7574, hic falsi persuasio, quia dicitur "grando gravis valde"; ex significatione "ignis" quod sit cupiditas mali, de qua mox supra n. 7575; et ex significatione "ambulare in medio" quod sit una esse, et quidem mali cupiditas 2intime, quia ex illa falsum. 2 (s)Describitur hic status illorum qui ab Ecclesia et infestant probos in altera vita, quando vastati sunt quoad illa quae Ecclesiae sunt, hoc est, quoad bona et vera quae professi, quod nempe tunc regnent apud illos persuasiones falsi una cum cupiditatibus mali; status enim interior illorum talis est; sunt persuasiones falsi et cupiditates mali inseparabiles, nam qui in malo est quoad vitam, is in falso est quoad doctrinam; 3potest quidem ipsis qui in malo vitae sunt, aliter videri", nam quando ore profitentur vera ex Verbo, aut ex doctrinali Ecclesiae suae, putant quod in fide illorum sint; apparet etiam eis quasi essent, sed usque non sunt si vita 4 mala est, vel enim ore profitentur quae aliter cogitant, vel cogitant quod ita sit ex fide persuasiva, quae fides est propter lucrum, aut propter honores; quare cum non amplius est ambitus honoris, aut aucupatio lucri, fides illa cadit, et tunc falsa arripiunt quae cum malis cupiditatum concordant; falsa concordantia cum cupiditatibus mali sunt 5interius apud illos qui male vivunt, utcumque credunt quod non sint; quod ita sit, se clare manifestat in altera vita, quando 6 ibi externa ablata sunt, et tales (m)relicti sunt interioribus suis, tunc erumpunt falsa, tam quae cogitaverant in mundo quam quae non manifeste cogitaverant; erumpunt enim illa ex malis, quae vitae illorum fuerant, nam falsa non aliud sunt quam mala ratiocinantia et 7sibi patrocinantia; ex his constare potest qualis status illorum in altera vita est, 8 quod nempe sint illis (t)persuasiones falsi una cum (t)cupiditatibus mali.(n)(s) @1 malis$ @2 in falso$ @3 quod res non ita se habeat, potest quidem ipsis qui in ullis sunt aliter videri$ @4 i illorum$ @5 intus$ @6 i enim$ @7 et pro se patrocinantia malis vitae$ @8 i et$
Arcana Coelestia 6
Passage 7578
#7578 "Quae non fuerat sicut illa in omni terra Aegypti": quod significet quod talis status mentis naturalis non aliis, constat ex illis quae supra n. 7554 explicata sunt, ubi similia.
Arcana Coelestia 6
Passage 7579
#7579 A quo fuit in gentem": quod significet a die quo facta sit ut admittere bonum et inde verum posset, nempe mens naturalis, constat ex significatione "gentis" quod sit bonum, de qua n. 1159, 1259, 1260, 1416, 1849, 4574, 6005; et quia de "terra Aegypti" hoc dicitur, per quam (x)significatur scientificum verum quod mentis naturalis, ideo quoque "gens" est verum quod ex bono; et a significatione "a quo fuit" quod sit a die quo facta 1est. @1 sit, nempe ut admittere posset$
Arcana Coelestia 6
Passage 7580
#7580 "Et percussit grando in omni terra Aegypti": quod significet quod falsum illud destruxerit illa quae in mente naturali, constat ex significatione "percutere" quod sit destruere; ex significatione "grandinis" quod sit falsum ex malis, n. 7553; et ex significatione "terrae Aegypti" quod sit mens naturalis, de qua 1 n. 7569. @1 i supra$
Arcana Coelestia 6
Passage 7581
#7581 "Omne quod in agro": quod significet quicquid Ecclesiae esset, constat ex significatione "agri" quod sit Ecclesia, de qua supra n. 7557.
Arcana Coelestia 6
Passage 7582
#7582 "Ab homine et usque ad bestiam": quod significet bonum ejus interius et exterius, constat ex significatione "hominis et bestiae" quod sit bonum interius et exterius, de qua n. 7424, 7523.
Arcana Coelestia 6
Passage 7583
#7583 "Et omnem herbam agri percussit grando": quod significet quod omne verum Ecclesiae destruxerint falsa illa, constat ex significatione "herbae agri" quod sit verum Ecclesiae, de qua supra n. 7571; et ex significatione "percutere" quod sit destruere; et ex significatione "grandinis" quod sit falsum, de qua n. 7553.
Arcana Coelestia 6
Passage 7584
#7584 "Et omnem arborem agri confregit": quod significet quod etiam omnes cognitiones boni et veri Ecclesiae, constat ex significatione "arboris" quod sint perceptiones boni et veri, de qua n. 103, 2163, 2682; et quoque 1boni et veri cognitiones, n. 2722 fin., 2972. @1 illorum$
Arcana Coelestia 6
Passage 7585
#7585 "Tantum in terra Goschen, ubi filii Israelis, non fuit grando": quod significet quod non ubi illi qui ab Ecclesia spirituali, constat ex significatione "terrae Goschen" quod sit intimum in mente naturali, de qua n. 5910, 6028, 6031, 6068; et quod sit Ecclesia, n. 6649; et ex repraesentatione "filiorum Israelis" quod sint qui ab Ecclesia spirituali, de qua n. 6426, 6637, 6862, 6868, 7035, 7062, 7198, 7201, 7215, 7223.
Arcana Coelestia 6
Passage 7586
#7586 Vers. 27-30. Et misit Pharao, et vocavit Moschen et Aharonem, et dixit ad illos, Peccavi vice hac, Jehovah justus, et ego et populus meus improbi. Supplicate ad Jehovam, et satis ab esse voces Dei et grando; et dimittam vos, et non addetis stare. Et dixit ad illum Moscheh, Sicut exire me urbe, expandam palmas meas ad Jehovam, voces cessabunt, et grando non erit amplius, propterea ut scias quod Jehovae terra. Et tu et servi tui, scio quod (x)nondum timeatis a facie Jehovae Dei. "Et misit Pharao, et vocavit Moschen et Aharonem" significat praesentiam legis Divinae: "et dixit ad illos" significat humiliationem: "Peccavi vice hac" significat separationem a vero et bono: "Jehovah justus, et ego et populus meus improbi" significat quod Divinum Bonum non sufferre potuerit malitiam infestantium, et quod inde hoc: "supplicate ad Jehovam" significat ut intercedant: "et satis ab esse voces et grando" significat si cessant falsa illa: "et dimittam vos, et non addetis stare" significat quod relinquerent illos, et non detinerentur amplius: "et dixit ad illum Moscheh" significat responsum: "Sicut exire me urbe" significat separationem: "expandam palmas meas ad Jehovam" significat intercessionem: "voces cessabunt, et grando non erit amplius" significat finem status illius: "propterea ut scias quod Jehovae terra" significat quod inde notum quod Dominus sit solus Deus Ecclesiae: "et tu et servi tui, scio quod nondum timeatis a facie Jehovae Dei" significat quod qui infestant nondum in timore sint pro Domino.
Arcana Coelestia 6
Passage 7587
#7587 "Et misit Pharao, et vocavit Moschen et Aharonem" 1significat praesentiam legis Divinae, ut n. 7390, 7451, ubi similia. @1 quod significet$
Arcana Coelestia 6
Passage 7588
#7588 "Et dixit ad illos": quod significet humiliationem, constat ex illis quae immediate sequuntur, (d)nempe, "Peccavi vice hac, Jehovah justus, et ego et populus meus improbi," quae verba humiliationis sunt et continentur in "dixit."
Arcana Coelestia 6
Passage 7589
#7589 "Peccavi vice hac": quod significet separationem a vero et bono, constat a significatione "peccare" quod sit sejunctio et aversio a Divino, ita a vero et bono, de qua n. 5229, 5474, 5841, proinde etiam separatio, nam qui se avertit a vero et bono, is se separat ab illis.
Arcana Coelestia 6
Passage 7590
#7590 "Jehovah justus, et ego et populus meus improbi": quod significet quod Divinum Bonum non sufferre potuerit malitiam infestantium, et quod inde hoc, constat ex eo quod Jehovah sit Divinum Bonum, per "Jehovam" enim intelligitur Divinum Esse, quod est Divinum Bonum, et per "Deum" Divinum Existere, quod est Divinum Verum, de 1qua n. 6905; "Jehovah justus" dicitur quia non sufferre potest malitiam infestantium; per "Pharaonem" enim et "populum ejus" significantur illi qui infestant; et per quod "improbi" sint malitia. @1 quo I$
Arcana Coelestia 6
Passage 7591
#7591 "Supplicate ad Jehovam": quod significet ut intercedant, constat ex significatione "supplicare" cum fit pro alio, quod sit intercessio, ut n. 7396, 7462.
Arcana Coelestia 6
Passage 7592
#7592 "Et satis ab esse voces et grando": quod significet si cessant falsa illa, constat a significatione "satis ab esse" quod sit si cessant; ex significatione "vocum quae tonitruum" quod sint vera Divina quae terrificant et devastant malos, (c)ac per influxum et praesentiam excitant falsa mali quae per "grandinem" significantur, de qua 1 n. 7573; quod "grando" sint falsa destruentia vera, videatur n. 7553, 7574. @1 i supra$
Arcana Coelestia 6
Passage 7593
#7593 "Et dimittam vos, et non addetis stare": quod significet quod relinquerent illos et non detinerentur amplius, constat ex repraesentatione "Pharaonis," qui haec de se dicit, quod sint qui infestant, de qua saepe; ex significatione "dimittere" quod sit relinquere; et (c)ex significatione "non addere stare" quod sit non amplius detineri.
Arcana Coelestia 6
Passage 7594
#7594 "Et dixit ad illum Moscheh": quod significet responsum, constat absque explicatione.
Arcana Coelestia 6
Passage 7595
#7595 "Sicut exire me urbe": quod significet separationem, constat ex significatione "exire" quod sit separatio, de qua n. 6100, 7404, (x)7463; et ex significatione "urbis," 1 ubi Pharao, quod sit falsum in quo illi qui 2infestant; per "urbem" enim significatur doctrinale, et quia doctrinale, etiam significatur verum, (c)ac in opposito sensu falsum, n. 402, 2268, (x)2451, 2712, 2943, 3216, 4492, 4493. @1 i hic$ @2 infestabant$
Arcana Coelestia 6
Passage 7596
#7596 "Expandam palmas meas ad Jehovam": quod significet intercessionem, constat ex significatione "expandere palmas ad Jehovam," seu "supplicare," quod sit intercessio; de 1"supplicare" videatur" n. 7396, 7462, 7591; "supplicare" enim est oris seu loquelae, "expandere palmas" est gestus seu actionis, quae supplicationi cordis correspondet; sunt 2 gestus seu actiones (d)corporis quae unicuique affectioni mentis correspondent, sicut humiliationi procumbentia super genubus, et altiori humiliationi prostratio ad terram; supplicationi autem correspondet expansio manuum versus caelum, et sic porro; gestus illi seu actiones in Verbo significant ipsas affectiones quibus correspondent, ex causa quia repraesentant illas; inde potest videri quid repraesentationes. @1 qua$ @2 i enim$
Arcana Coelestia 6
Passage 7597
#7597 "Voces cessabunt, et grando non erit amplius": quod significet finem status illius, constat ex significatione "vocum quae tonitruum" quod sint vera Divina malos devastantia, de qua n. 7573; 1 ex significatione "grandinis" quod sint falsa destruentia vera, de 2qua n. 7553, 7574; et ex significatione "cessare, et non esse amplius" quod sit finis illorum, ita finis illius status; nam quaelibet plaga unum statum devastationis illorum qui infestant probos in altera vita significat. @1 i et$ @2 quibus mox supra, n. 7592$
Arcana Coelestia 6
Passage 7598
#7598 ["Propterea] ut scias quod Jehovae terra": quod significet quod inde notum quod Dominus sit solus Deus Ecclesiae, constat ex significatione "scire" quod sit notum esse; ex significatione "terrae" quod sit Ecclesia, de qua n. 662, 1066, 1067, 1262, 1413, 1607, 1733, 1850, 2117, 2118 fin., 2928, 3355, 4447, 4535, 5577; (d)et quod "Jehovah" sit Dominus, videatur n. 1343, 1736, 2921, 3023, 3035, 5663, 6303, 6905, 6945, 6956; inde patet quod per 1 "Jehovae terra" significetur quod Domino sit Ecclesia, ita quod Dominus sit solus" Deus Ecclesiae, 2ut n. 7401, 7444, 7544. @1 i quod$ @2 quod solus$
Arcana Coelestia 6
Passage 7599
#7599 "Et tu et servi tui, scio quod nondum timeatis a facie Jehovae Dei": quod significet quod qui infestant nondum in timore sint pro Domino, constat 1a repraesentatione "Pharaonis et servorum illius" quod sint qui infestant, de qua prius; et ex significatione "timere a facie Jehovae" quod sit quod non timor pro Domino; quod Dominus sit "Jehovah" in Verbo, videatur ex locis mox supra n. 7598 citatis; "a facie Jehovae" dicitur quia per "faciem Jehovae" significatur misericordia, et inde pax et omne bonum, n. 222, 223, 5585; et in opposito sensu non misericordia, non pax et non bonum, n. 5585, 5592, 5816, 5823; quod non misericordia, non pax et non bonum, per "faciem Jehovae" 2significentur, est quia mali avertunt se a Jehovah seu Domino, nam avertunt se a bono quod charitatis et a vero quod fidei, in quibus est Dominus; 3et tunc a tergo illis sunt quae Domini sunt, et a facie quae illorum; et quae a tergo sunt, illa non vident, nec curant; inde omne malum, consequenter infelicitas et infernum homini. @1 ex significatione$ @2 significetur$ @3 et quia avertunt se ab illis, avertunt se a Domino et Illius misericordia; hoc intelligitur in Verbo ubi dicitur quod Jehovah avertat faciem, nam ita dicitur ex apparentia, apparet enim sicut Dominus removeat misericordiam, quando homo in infelicitate est, et magis cum in inferno, cum tamen ipse homo est qui se removet, et tunc se removet, cum a Domino, Ipsius regno, Ecclesia, a patria, et proximo intuitionem et affectionem amovet, et ad se inflectit; tunc ei a tergo sunt quae Domini sunt, et a facie quae illius sunt, et quae a tergo sunt, illa non videt nec curat; inde omne malum et inde infelicitas et infernum homini$
Arcana Coelestia 6
Passage 7600
#7600 Vers. 31 ad fin. Et linum et hordeum percussum est, quia hordeum spica maturescens, et linum culmus. Et triticum et zea non percussa sunt, quia abdita illa. Et egressus Moscheh a cum Pharaone, urbe, et expandit palmas suas ad Jehovam, et cessaverunt voces et grando, et pluvia non effusa est terram. Et vidit Pharao quod cessavit pluvia, et grando, et voces, et addidit peccare; et aggravavit cor suum, ille et servi illius. Et obfirmatum cor Pharaonis, et non dimisit filios Israelis, quemadmodum locutus Jehovah per manum Moschis. "Et linum" significat verum naturalis exterioris: "et hordeum" significat bonum ejus: "percussum est" significat quod destructa: "quia hordeum spica maturescens, et linum culmus" significat quod bonum et verum illud exstarent et spectarent deorsum: "et triticum et zea" significat bonum interioris naturalis et verum ejus: "non percussa sunt" significat quod non destructa sint: "quia abdita illa" significat quia non exstarent, et quia vergerent introrsum: "et egressus Moscheh a cum Pharaone, urbe" significat separationem ab illis: "et expandit palmas suas ad Jehovam" significat intercessionem: "et cessaverunt voces et grando" significat quod finis illius status: "et pluvia non effusa terram" significat quod falsa illa non magis apparerent: "et vidit Pharao" significat apperceptionem: "quod cessavit pluvia, et grando, et voces" significat quod finis esset status illius: "et addidit peccare" significat recessionem adhuc: "et aggravavit cor suum, ille et servi illius" significat obstinationem: "et obfirmatum cor Pharaonis" significat quod ex malo obstinarent se: "et non dimisit filios Israelis" significat 1ut non relinquerent: "quemadmodum locutus Jehovah" significat secundum praedictionem: per manum Moschis" significat media lege a Divino. 2 @1 quod I$ @2 At the end of the Summary Exposition A has a deleted note which the editors have not been able to trascribe.$
Arcana Coelestia 6
Passage 7601
#7601 "Et linum": quod significet verum naturalis exterioris, constat ex significatione "lini" quod sit verum, sed verum naturalis exterioris, de qua sequitur; quod naturale sit exterius et interius, videatur n. 4570, 5118, 5497, 5649, consequenter quod verum et bonum 1ibi sit interius et exterius, n. 3293, 3294; verum et bonum naturalis exterioris significantur per "linum et hordeum"; ac bonum et verum naturalis interioris per "triticum et zeam." 2 In hoc et in sequenti versu agitur de veris et bonis quae destructa et vastata sunt, et de bonis et veris quae non destructa et vastata; ita de veris et bonis quae recondita et reservata sunt 2ad usum, et quae non recondita et non reservata; nam apud malos, cum vastantur, hoc est, cum separantur a veris et bonis et relinquuntur suis malis et falsis, tunc 3vastantur quoad illa vera et bona quae sunt in exteriore naturali, et adjuncta ibi falsis et malis; quod illa vera et bona spectent deorsum, ac ideo non reservari possint, videbitur infra n. 7604, 7607; at vera et bona interioris naturalis non vastantur sed introrsum magis perducuntur, et ibi reservantur ad usum; ac 4tunc communicatio inter naturale interius et exterius in tantum clauditur ut non inde aliquid boni et veri influere possit in naturale exterius, nisi modo tale commune per quod ratiocinari possint, et argumenta connectere ad confirmanda falsa et mala. Bona et vera illa quae reservantur, in Verbo significantur per "reliquias," de quibus videatur n. 468, 530, 560, 561, 576, 661, (x)798, 1738, 1906, 2284, 5135, 5342, 5344, 5897-5899, 6156, (x)7556. De his nunc agitur in binis his versibus, et significantur per quod "linum et hordeum percussum 5sit, quia hordeum spica maturescens, et linum culmus," et quod "triticum et zea non percussa 6sint, quia abdita illa." 3 Quod "linum" significet verum, est ex repraesentativis in caelo; in caelo, qui in vero naturalis sunt apparent induti albo, quod album apparet sicut ex lino; ipsum verum naturalis etiam ibi repraesentatur sicut contextura ex filis purioribus lini; fila illa instar (x)filorum sericorum apparent, splendida, pulchre translucentia, et mollia, 7ac indumentum ex illis simile, si verum quod ita repraesentatur est ex bono; vicissim autem, fila illa quae instar lineorum non apparent translucentia, nec splendida, nec mollia, sed ut dura et fragilia, et usque alba, si verum quod ita repraesentatur non sit ex bono. 4 Ex his nunc constare potest quid significat quod angeli hominibus visi apparuerint in linteis, ut illi de quibus apud Johannem, Exiverunt septem angeli, habentes septem plagas, e templo, induti linteo albo et splendido, et circumcincti pectora cingulis aureis, Apoc. xv 6: apud Danielem, Sustuli oculos meos, et vidi, et ecce vir unus indutus linteis, cujus lumbi cincti auro Uphasi, x 5: apud Ezechielem, Ecce sex viri venientes a via portae superioris, et cuivis instrumentum dispersionis ejus in manu ejus; sed vir unus in medio illorum indutus linteis, et atramentarium scribae in lumbis ejus, ix 2; de quo angelo ibi ulterius in eodem capite vers. 3, 4, et x 2-7 et apud eundem, de angelo qui mensus novum templum, cui filum lini et calamus mensurae in manu, xl ,] seq.: etiam angeli visi in sepulcro Domini apparuerunt induti albo splendido et fulgurante, Matth. xxviii 3; Marc. xvi 5; Luc. xxiv 4; Joh. xx 11, 12.(n) 5 Quia "linum" significabat verum exterioris naturalis, et exterius naturale est quod investit interiora, idcirco illud verum est quod repraesentatum est per "lintea" quibus induti fuerunt angeli; et quoque per "vestes lini" quibus induebatur Aharon cum in sancto ministraret, de quibus apud Moschen, Cum Aharon intrat in Sanctum, tunicam lini sanctitatis induet, et balteo lini cinget se, et cidarim lini imponet sibi, vestes sanctitatis hae, Lev. (x)xvi ,] 4: similiter apud Ezechielem, Sacerdotes Levitae, filii Zadochi, quando intrabunt ad portas atrii interioris, vestes lini induent, nec ascendet super eos lana; quando ministrabunt in portis atrii interioris et introrsum, cidares lini erunt super capite illorum, femoralia lini erunt super lumbis illorum, xliv 17, 18; ibi de novo templo et de nova Hierosolyma, per quae intelligitur regnum Domini. Ideo quoque sacerdotes portabant ephodos lini, I Sam. (x)xxii 18; et Samuel ministrabat coram Jehovah, puer cinctus ephodo lini, I Sam. ii 18: tum quoque David cum 8transferebatur arca in urbem ejus, cinctus erat ephodo lini, 2 Sam. vi 14. 6 Ex his quoque constare potest cur Dominus, cum lavaret pedes discipulorum, Succinxerit Se linteo, et absterserit pedes linteo quo (t)succinctus erat, Joh. xiii 4, 5; lavatio enim pedum significabat purificationem a peccatis, quae fit per vera fidei, nam per illa docetur homo quomodo 9vivet. 7 Per "linum" etiam in sequentibus locis significatur verum: apud Jeremiam, Dixit Jehovah ad prophetam, Eundo emito tibi cingulum lini, et ponito illud super lumbis tuis, sed per aquam non duces illud; sume cingulum, et surge, abi ad Euphratem, et absconde illud in foramine petrae; a fine dierum multorum, cum recepit cingulum, ubi absconderat illud, ecce corruptum erat cingulum, non proderat ad quicquam, xiii 1-7; per "cingulum lini super lumbis" repraesentabatur verum ex bono, quale 10est in principio quando Ecclesia instauratur a Domino, et quale fit postea, quod circa finem eis sit corruptum, nec prosit ad quicquam: apud Esaiam, Erubescent facientes linum sericorum, et textores aulaeorum, xix 9; ibi de Aegypto; "facere linum sericorum" pro 11fingere vera: 8 apud Moschen, Non arabis bove et asino simul; non indues mixtam vestem ex lana et lino simul, Deut. xxii (x)10, 11; per "bovem" significatur bonum naturalis, per "asinum" verum ejus; similiter per "lanam et linum"; quod "non ararent bove et asino simul, nec induerent vestem mixtam ex lana et lino simul" significabat quod non 12essent in bino statu simul, nempe in bono et inde spectarent verum, ac simul in vero et inde spectarent bonum; 13illa simile involvunt quod involvunt quae Dominus dixit apud Matthaeum, Qui super tecto domus, ne descendat ad tollendum quid e domo sua; et qui in agro, ne revertatur retro ad (x)accipiendum vestem suam, xxiv 17, 18; de quibus videatur n. 3652 ad fin., qui enim ex bono spectant verum in interiore caelo sunt; qui autem ex vero spectant bonum in exteriore caelo sunt; 14hi ex mundo spectant caelum, illi ex caelo spectant mundum, unde in ratione quadam opposita sunt, et quare si simul essent, destrueret unum alterum. @1 illius$ @2 in$ @3 non vastantur quoad omnia vera et bona, sed solum quoad illa quae spectant deorsum, hoc est, ad mundum et tellurem, et quae sunt in exteriori naturali, mala enim et falsa, quibus relinquuntur, sunt in exteriori naturali; et illis adjuncta sunt vera et bona ibi, (m)idcirco, quia non simul debent esse, auferuntur.(n)$ @4 interea$ @5 est$ @6 sunt$ @7 cum repraesentatur verum in quo bonum, ast vicissim ut non translucens et splendidum, nec molle, sed ut durum et fragile, si verum sit et non a bono$ @8 ferebatur arca ad urbem Davidis$ @9 vivendum$ @10 apud gentem Judaicam, quod nempe corruptum$ @11 veris fictitiis$ @12 After simul$ @13 After involvunt$ @14 non potest esse in utroque simul, (m)nam tunc vastaretur quoad utrumque, nam qui ex vero spectant bonum, e mundo spectant coelum, at qui ex bono spectant verum, ex coelo spectant mundum, quae quia in ratione quadam opposita sunt, destruet unum alterum(n)$
Arcana Coelestia 6
Passage 7602
#7602 "Et hordeum": quod significet bonum ejus, constat ex significatione "hordei" quod sit bonum naturalis exterioris 1; quod "hordeum" id sit, est quia est proventus agri, et est frumentum quod inservit esui; "frumentum" enim in genere significat bonum veri, n. 3580, 5295, 5410, 5959, in specie "hordeum et triticum," "hordeum" bonum naturalis exterioris, et "triticum" bonum naturalis interioris: illud significat "hordeum" apud Joelem, Excisa est minhah et libamen de domo Jehovae; luxerunt sacerdotes ministri Jehovae; devastatus est ager, luxit terra, quia devastatum est frumentum, exaruit mustum, languet oleum; pudefacti sunt agricolae, ejularunt vinitores, super tritico et super hordeo, eo quod perierit messis agri, i 9-11; apud prophetam ibi agitur de vastatione boni et veri, ut constat ex sequentibus ibi; quare per "frumentum, mustum, triticum, et hordeum," non illa 2significantur, sed spiritualia 3, ita per "triticum" bonum interius, et per "hordeum" bonum exterius; similiter "hordeum" apud Ezechielem iv 9; et in Deut. viii 8: in Libro Judicum, Cum Guideon pervenit ad castra, vir recensens socio suo somnium, et dicebat, Ecce somniando somniavi, et ecce tostus panis hordeorum volvebat se ad castra Midianis, et venit ad tentorium usque, ac percussit illud ut concideret, et evertit illud sursum, atque sic cecidit tentorium, vii 13; per "Midianem" significantur qui in vero simplicis boni sunt, ac in opposito sensu, qui non in vitae bono, n. 3242, 4756, 4788, 6773; hoc bonum est bonum exterioris naturalis, et significatur per "panem hordeorum"; at jucundum voluptatum, si pro fine 4, loco boni illius, est quod significatur per "tostum panem hordeorum"; 5est status quem tunc repraesentabant Midianitae, qui ibi describitur. @1 i sit$ @2 intelliguntur$ @3 i quae significant$ @4 i vitae$ @5 estque$
Arcana Coelestia 6
Passage 7603
#7603 "Percussum est": quod significet quod destructa, patet absque explicatione.
Arcana Coelestia 6
Passage 7604
#7604 "Quia hordeum spica maturescens, et linum culmus": quod significet quod bonum et verum illud exstarent et spectarent deorsum, constat ex significatione "hordei et lini" quod sint bonum et verum naturalis exterioris, de qua mox supra n. 7601, 7602; et ex significatione "spicae maturescentis" tum quoque "culmi" quod sit quod exstarent, nam de "tritico et zea" dicitur quod abdita sint, vers. seq., hoc est, quod non exstarent; 1quae enim 2 matura sunt, in spica sua et 3culmo exstant, ut decidant; hoc in spirituali sensu, in quo agitur de bono fidei et charitatis, 4significat quod spectarent deorsum. Quomodo cum hoc se habet, patet ex illis quae supra n. 7601 dicta sunt. Quod bona et vera in exteriore naturali apud malos spectent deorsum, est quia ibi sunt una cum malis et falsis, et illis 5adjuncta; omnia mala et falsa spectant deorsum, hoc est, extrorsum ad terram et ad mundum, inde quoque bona et vera illis adjuncta, nam mala et falsa trahunt illa secum, 6quod fit per sinistras applicationes; haec bona et vera sunt quae apud malos 7 vastantur; si enim illa non vastarentur, influerent bona et vera quae 8recondita et reservata sunt a Domino in interiore naturali, ac 9se conjungerent illis quae in exteriore, ac sic unum agerent, inde quoque illa flecterentur deorsum, et sic perirent; homo distinguitur a brutis animalibus per id quod spectare possit sursum, hoc est, ad Divinum; absque illa facultate foret homo sicut bestia, nam bestia non spectat nisi deorsum. Inde nunc patet cur bona et vera apud malos quae spectant deorsum eis auferuntur, et cur illis 10sublatis clauditur communicatio cum interioribus, ubi 11bona et vera a Domino recondita sunt et ad usum reservata. @1 d quae i illa$ @2 i cum$ @3 in culmo suo$ @4 S first wrote quod significent then d quod$ @5 se adjungunt$ @6 adjuncta enim sunt per$ @7 i in altera vita$ @8 reconduntur et reservantur$ @9 conjungerent se illis, et sic unum facerent, ita illa quoque spectarent, deorsum seu extrorsum, ac inde perirent etiam illa$ @10 ablatis$ @11 vera et bona$
Arcana Coelestia 6
Passage 7605
#7605 "Et triticum et zea": quod significet bonum interioris naturalis et verum ejus, constat ex significatione "tritici" quod sit bonum amoris et charitatis, de qua n. 3941; et quia est frumentum hordeo nobilius, est bonum interioris naturalis; et ex significatione "zeae" vel speltae, quod sit verum interioris naturalis 1correspondens bono quod significatur per triticum"; quod "zea" sit verum illud, constare potest ex eo quod in Verbo, ubi dicitur de bono, etiam dicatur de vero, et hoc propter conjugium caeleste quod est boni et veri in singulis Verbi, (c)ac in supremo sensu propter unionem Ipsius Divini (c)et Divini Humani in Domino, cui conjugium boni et veri in caelo correspondet; ita quod Ipse Dominus quoad Ipsum Divinum et Divinum Humanum sit Intime in Verbo 2, videatur n. 683, 793, 801, 2173, 2516, 2618, 2712, 2803, 3132, 4138 fin., 5502, 6179, 6343. Inde patet quod per "zeam" significetur verum 3 correspondens bono quod significatur per "triticum." @1 ; quod zea sit verum correspondens bono quod significatur per triticum$ @2 i ubivis$ @3 i interioris naturalis$
Arcana Coelestia 6
Passage 7606
#7606 "Non percussa sunt": quod significet quod non destructa sint, patet absque explicatione.
Arcana Coelestia 6
Passage 7607
#7607 "Quia abdita illa": quod significet quia non exstarent, et quia vergerent introrsum, constat ex significatione "abdita illa" quod sit non exstare; in sensu spirituali, quia essent in interiore naturali et ibi vergerent introrsum; quod illa (t)destrui non possent, est quia spectarent ad caelum et ad Dominum, quod est spectare introrsum, et non ad tellurem et mundum, quod est spectare extrorsum. (x)Quid sit spectare introrsum et spectare extrorsum, paucis dicendum est: homo ita creatus est ut spectare possit supra se ad caelum usque ad Divinum, et quoque ut spectare possit infra se ad mundum et tellurem; in hoc distinguitur homo a brutis animalibus; et tunc homo spectat supra se seu ad caelum usque ad Divinum, cum pro fine habet proximum, patriam, Ecclesiam, caelum, imprimis Dominum; et tunc spectat infra se cum pro fine habet se et mundum; pro fine habere est amare, nam hoc pro fine habetur quod amatur, et quod amatur, hoc universaliter regnat, hoc est, in singulis cogitationis et voluntatis; homo 1dum spectat per unam viam, non 2 spectat per alteram, nempe 1dum spectat ad mundum et ad se, non 3spectat ad caelum et ad 4Dominum, 5et vice versa; sunt enim determinationes oppositae 6. 2 Ex eo quod homo spectare possit supra se, hoc est, cogitare de Divino, ac conjungi Divino per amorem, patet manifeste quod sit elevatio mentis a Divino, nam nusquam aliquis supra se spectare potest, nisi per elevationem ab Illo Qui (t)supra est, inde quoque patet quod omne bonum et verum apud hominem sit Domini; patet quoque inde quod (t)homo cum spectat infra se, separet se a Divino, et determinet interiora sua 7ad se et ad mundum, similiter ac determinata sunt apud bruta animalia; et tunc quod in tantum exuat humanum. Ex his nunc constare potest quid intelligitur per spectare introrsum seu supra se, et per spectare extrorsum seu infra se. @1 qui$ @2 i prorsus$ @3 spectare potest$ @4 Divinum$ @5 et qui spectat ad coelum et ad Divinum non spectare potest ad mundum et semet$ @6 i; formae etiam recipientes boni et veri in opposito$ @7 per eandem viam per quam determinantur interiora$
Arcana Coelestia 6
Passage 7608
#7608 "Et egressus Moscheh a cum Pharaone, urbe": quod significet separationem ab illis, constat ex illis quae supra n. 7595 explicata sunt, ubi similia.
Arcana Coelestia 6
Passage 7609
#7609 "Et expandit palmas suas ad Jehovam": quod significet intercessionem, ut supra n. 7596.
Arcana Coelestia 6
Passage 7610
#7610 "Et cessaverunt voces et grando" significat finem illius status, ut supra n. 7597.
Arcana Coelestia 6
Passage 7611
#7611 "Et pluvia non effusa terram": quod significet quod falsa illa non magis apparerent, constat ex significatione "pluviae," hic "pluviae grandinis," quod sint falsa, de qua n. 7553, 7574; et ex significatione "non effusa terram" quod sit quod finita, ita quoque quod non apparerent, nempe falsa quae per "pluviam grandinis" significantur.
Arcana Coelestia 6
Passage 7612
#7612 "Et vidit Pharao": quod significet apperceptionem, constat ex significatione "videre" quod sit apperceptio, de qua n. (x)2150, 3764, 4723, 5400.
Arcana Coelestia 6
Passage 7613
#7613 "Quod cessavit pluvia, [et] grando, et voces" significat finem illius status, ut supra n. 7597, (x)7610.
Arcana Coelestia 6
Passage 7614
#7614 "Et addidit peccare": quod significet recessionem adhuc, constat ex significatione "addere" quod sit adhuc et amplius; et a significatione "peccare" quod sit sejunctio, 1 recessio (c)et separatio a bono et vero, de qua n. 5229, (x)5474, 5841, 7589. @1 i et$
Arcana Coelestia 6
Passage 7615
#7615 "Et aggravavit cor suum, ille et servi illius": quod significet obstinationem, constat (c)a significatione "aggravare, indurare, et obfirmare cor" quod sit obstinare se, de qua n. 7272, 7300, 7305.
Arcana Coelestia 6
Passage 7616
#7616 "Et obfirmatum cor Pharaonis": quod significet quod ex malo obstinarent se, constat ex significatione "obfirmari cor" quod sit obstinare se, 1de qua mox supra n. (x)7615, ubi dicitur quod "aggravaverit cor"; differentia est quod "aggravare cor" sit ex falso, at "obfirmare cor" sit ex malo. @1 ut$
Arcana Coelestia 6
Passage 7617
#7617 "Et non dimisit filios Israelis": quod significet ut non relinquerent, constat ex significatione "dimittere" quod sit 1 relinquere, ut prius saepe; et ex repraesentatione "filiorum Israelis" quod sint qui ab Ecclesia spirituali, quos infestabant, de qua n. 6426, 6637, 6862, 6868, 7035, 7062, 7198, 7201, 7215, 7223.
Arcana Coelestia 6
Passage 7618
#7618 (x)Quemadmodum" locutus Jehovah": quod significet secundum praedictionem, ut prius n. 7302, 7340, 7414, 7432, (x)7535.
Arcana Coelestia 6
Passage 7619
#7619 "Per manum Moschis": quod significet media lege a Divino, constat a significatione "per manum alicujus" quod sit mediate, de qua sequitur; et ex repraesentatione "Moschis" quod sit lex a Divino, de qua n. 6771, 6827; quod "loqui per manum alicujus" sit medio illo seu mediate, est quia per "manum" significatur potentia, n. 878, 3387, 4931-4937, 5327, 5328, 5544, 6292, 6947, 7011, 7518, ita per "manum alicujus" 1 potentia vicaria, quod idem est cum mediate, 2nam quod fit mediate, fit per potentiam alterius in se; inde est quod in Verbo illa loquendi formula sit, ut in Libris Regum, ubi aliquoties dicitur Verbum quod Jehovah locutus 1 "per manum alicujus"; ut quod locutus 1 per manum Achijae prophetae, 1 Reg. xiv 18; per manum Achiae Schelonitae, 1 Reg. xv 29; per manum Jehu prophetae, 1 Reg. (x)xvi 7, 12; per manum Joschuae, ibid. vers. 34; per manum Eliae, 1 Reg. xvii 16; per manum Jonae prophetae, 2 Reg. xiv 25. @1 i est$ @2 omne enim$ Continuatio de Spiritibus et Incolis Telluris Martis
Arcana Coelestia 6
Passage 7620
#7620 Videbam flammeum quoddam pulcherrimum; erat varii coloris, purpureum, tum ex candido rabescens, colores illi etiam ex flamma pulchre rutilabant 1; quandam etiam manum videbam, quae hoc flammeum non tenuit, sed cui adhaesit; primum inversae ejus parti, postea palmae seu volae, et inde lambebat manum circumcirca; hoc aliquanto tempore perstitit; dein manus haec cum flammeo removebatur ad distantiam, et ubi substitit erat lucidum; in lucido illo recessit manus; et tunc flammeum mutabatur in avem, quae principio erat similibus coloribus cum flammeo, et colores similiter coruscabant; sed colores illi successive mutati sunt, et cum coloribus 2 vitae vigor in ave; volabat circumcirca, et primum circum caput meum, dein antrorsum in angustum quoddam quasi cubiculum; et sicut volabat antrorsum magis, ita vita recessit, et facta est demum 3 lapidea; primum tunc colore margaritico, postea obscuro, sed tametsi absque vita, usque volabat. @1 i et coruscabant$ @2 i etiam$ @3 i sicut avis sculpta$
Arcana Coelestia 6
Passage 7621
#7621 Cum avis illa volabat circum caput, et adhuc in vitae vigore erat, visus 1est spiritus, qui ex inferiore assurgebat, per regionem lumborum 2 ad regionem pectoris, is inde volebat auferre avem illam; sed quia tam pulchra erat, spiritus qui circum me inhibebant, ne illam auferret, visum enim suum in illa omnes tenebant; sed spiritus ille qui ex inferiore assurrexit tunc fortiter persuasit quod apud illum esset Dominus, et sic quod ex Domino id ageret; hoc tametsi plerique non credebant, quia ex inferiore assurgebat, usque tamen spiritus qui circum me non amplius inhibebant, quin auferret avem; 3at quia tunc influebat caelum, non potuit retinere illam, sed mox remisit e manu liberam 4. @1 erat$ @2 i usque$ @3 sed$ @4 i, et tunc ille subsidit ad inferiora unde fuit$
Arcana Coelestia 6
Passage 7622
#7622 Cum hoc peractum est, spiritus qui circum me, qui avem illam et successivas ejus mutationes intense sunt intuiti, de illa inter se loquebantur, et hoc per insigne tempus; percipiebant quod tale visum non potuerit aliter quam caeleste quoddam significare; sciebant quod flammeum significet amorem caelestem et ejus affectiones: quod manus cui flammeum adhaerebat, vitam et ejus potentiam: colorum mutationes vitae varietates quoad sapientiam et intelligentiam; simile etiam (s)avis, cum differentia quod flammeum significet amorem caelestem et quae illius amoris sunt, et quod avis significet amorem spiritualem et quae illius amoris sunt; 1(amor caelestis est amor in Dominum, et amor spiritualis est amor mutuus (c)et charitas erga proximum;) et quod mutationes colorum 2et simul vitae in ave, usque dum facta 3 lapidea, significet varietates successivas vitae spiritualis quoad intelligentiam. (s) 2 Sciebant etiam quod spiritus qui ex interiore per regionem lumborum ad regionem pectoris ascendunt in forti persuasivo sint quod in Domino sint, ac inde credant quod omnia quae faciunt, etiam mala ac scelesta, volente Domino faciant. Sed tamen non inde scire potuerunt quinam per visum hoc intelligerentur; tandem instructi sunt e caelo quod incolae Martis intellecti sint; quod caelestis illorum amor, in quo adhuc plures sunt, significatus sit per flammeum quod adhaesit manui; et quod sapientia et intelligentia illorum per colorum successivas variationes; et quod avis in principio, cum in (x)pulchritudine colorum suorum ac in vigore vitae suae esset, significaret amorem illorum spiritualem; quod autem avis illa tacta sit sicut lapidea ac nullius vitae, et tunc coloris obscuri, quod id significaret incolas qui a bono amoris se removerunt ac in malo sunt, et tamen credunt quod sint in Domino. Sed quia de incolis illis qui tales sunt, et de statu vitae illorum, plura detecta et quoque ostensa sunt, licet illa ad finem capitis sequentis referre. @1 A has no brackets$ @2 in ave et simul vitae$ @3 i sit$